دواین هەواڵ

کوردستان‌

 14/06/2021

بێشکچی: ئامانجی په‌که‌که‌ له‌ناوبردنی قه‌واره‌ی هه‌رێمی کوردستانه‌

بێشکچی: په‌که‌که‌ دژ به‌ ده‌وڵه‌تی کوردییه‌ و له‌ سه‌ر حیسابی ده‌وڵه‌تانی هه‌رێمی هه‌وڵ ده‌دات دژایه‌تی هه‌ر هه‌وڵێكی له‌و جۆره‌ بكات.

هەرێم نیوز

ئیسماعیل بێشکچی، کۆمه‌ڵناس و نووسه‌ری دۆستی گه‌لی کورد رایده‌گه‌یه‌نێت، ئامانجی په‌که‌که‌ له‌ناوبردنی قه‌واره‌ی هه‌رێمی کوردستانه‌.

ئیسماعیل بێشکچی له‌ لێدوانێکدا‌ بۆ کوردستان24 رایگه‌یاند، هیچ بنه‌مایه‌کی شه‌رعی نییه‌ په‌که‌که‌ هێرش بکاته‌ سه‌ر هێزی پێشمه‌رگه‌ و گوتی: "ئه‌وه‌ی په‌که‌که‌ ده‌یکات، نه‌ناسینی حکومه‌تی هه‌رێمی کوردستانه‌ و په‌که‌که‌ ده‌یه‌وێت قه‌واره‌یی هه‌رێمی کوردستان له‌ناو ببات".

گوتیشی: "پیلانی نێوده‌وڵه‌تی دژ به‌ کورد، له‌ سه‌ده‌ی رابردووه‌وه‌ له‌ ئارادایه‌ و پیلانی هه‌رێمی دژ به‌ کوردیش ئێستا له‌ ئارادایه‌ و هێرشه‌کانی په‌که‌که‌ بۆ سه‌ر پێشمه‌رگه‌ش له‌ چوارچێوه‌ی ئه‌و پیلانانه‌دایه‌".

بێشکچی ئاماژه‌ به‌وه‌ کرد،‌ په‌که‌که‌ دژ به‌ ده‌وڵه‌تی کوردییه‌ و له‌ سه‌ر حیسابی ده‌وڵه‌تانی هه‌رێمی هه‌وڵ ده‌دات دژایه‌تی هه‌ر هه‌وڵێكی له‌و جۆره‌ بكات.

بێشكچی جه‌ختیشی كرده‌وه‌: "په‌که‌که‌ پشتگری له‌ مافی ده‌وڵه‌تبوونی عه‌ره‌به‌کانی فه‌له‌ستین ده‌كات، به‌ڵام دژ به‌ ده‌وڵه‌تی کوردییه‌".

بێشکچی گوتیشی: "پارتی له‌ ریفراندۆمی سه‌ربه‌خۆییدا به‌ ئاراسته‌ی کوردستان هه‌وڵی دا، له‌ به‌ر ئه‌و هۆکاره‌ش په‌که‌که‌هێرش ده‌کاته‌ سه‌ر پارتی دیموکراتی کوردستان".



Copyright © 2020 All Rights Reserved Designed And Developed By AVESTA GROUP