دواین هەواڵ

وەرزش‌

 20/01/2023

یانەی یوڤانتۆس سزا دەدرێت

هەرێم نیوز

داواکاری گشتی ئیتاڵیا دەیەوێت سزا بۆ یانەکە و بەڕێوەبەرانی پێشووی یانەی یۆڤانتۆس دەربکرێت لە دۆسیەی شاردنەو دەسکاری کردنی هەژماری یانەکە

ئەمڕۆ دۆسیەی هەژمارە ساختەکانی یۆڤانتۆس لە تۆماری قازانج و سەرمایە پشکنینی بۆ کرا و داواکاری گشتی داوای سزادانی قورس بۆ یۆڤانتۆس کردەوە لەگەڵ غەرامەکردن

بەگوێرەی ڕاپۆرتی کالچیۆ فینانزا، داواکاری گشتی یەکێتی تۆپی پێی ئیتاڵیا، جۆزێپی کینێ، داوای لێبڕینی ٩ خاڵی لە یۆڤانتۆس کردووە لە وەرزی ٢٠٢٢-٢٠٢٣ بەهۆی ساختەکاری لە تۆمارکردنی قازانجی سەرمایە لە کڕین و فرۆشتنی یاریزانان.  هەروەها داواکاری گشتی تاوتوێی ئەم سزایانە دەکات بۆ ستافی کارگێڕی پێشوو و ڕاهێنەری ئێستای یۆڤانتۆس:

 فابیۆ پاراتیسی: ٢٠ مانگ و ١٠ ڕۆژ ڕاگرتن

 ئەندریا ئانێلی: 16 مانگ قەدەغەکردن

 پاڤێل نێدڤد و ماوریزیۆ ئاریۆڤانێ: بۆ ماوەی یەک ساڵ قەدەغەکردن

 فێدریکۆ چێروبینی: 10 مانگ و 20 ڕۆژ ڕاگرتن

ئەو سزایانەی کە بۆ سزادانی یۆڤانتۆس داوایان لێدەکرێت "تەنها غەرامەی داراییە بۆ ئەو تیپانەی تر کە بەشدارن لە دۆسیەی ساختەکاری قازانجی سەرمایە".

تێبینی گرنگ: بە گوتەی جیانلوکا دی مارزیۆ، داواکارییەکەی داواکاری گشتی هێشتا نەگەیشتووەتە قۆناغی جێبەجێکردن، چونکە دادگای تێهەڵچوونەوە دەبێت بڕیار لەسەر ئەم بابەتە بدات.  ئەمەش واتە، لە کاتی نووسینی ئەم هەواڵەدا، ٩ خاڵ لە یۆڤانتۆس نەبڕدراوە.  تا ئێستا ئەم دۆسیەیە نەکراوەتەوە و ئەگەر بکرێتەوە، دەتوانرێت تانە بدرێت.

لە فارسیەوە



Copyright © 2020 All Rights Reserved Designed And Developed By AVESTA GROUP