هەرێم نیوز

سەرچاوەیەکی باڵا لە حکومەتی هەرێم رایگەیاند، بە ئەگەرێکی زۆرەوە ئەمڕۆ لە کۆبوونەوەی ئەنجوومەنی وەزیرانی عێراقدا لێکتێگەیشتنەکە پەسەند دەکرێت و موچە دەنێردرێت.

ئەو سەرچاوەیە وتیشی، لە بنەمادا ئەو لێکتێگەیشتنە داواکاری خودی بەغدا بووە و ئێمە قبوڵمان کردووە، هەر بۆیە ئەمڕۆ پەسەند دەکرێت.

ئەمەش لەکاتێکدایە، دوێنێ چوارشەممە 16ی 7ی 2025 ، ئەنجوومەنی وەزیرانی هەرێمی کوردستان ڕەزامەندی لەسەر لەیەکترتێگەیشتنی نوێی نێوان حکومەتی هەرێمی کوردستان و حکومەتی فیدراڵ  تایبەت بە مووچە و شایستە داراییەکان دا.

هەر ئێوارەی دوێنێ دەقی لێکتێگەیشتنەکە رادەستی بەغدا کرا و ئەمڕۆش کۆبوونەوەی نائاسایی ئەنجوومەنی وەزیرانی عێراق بەڕێوەدەچێت بۆ پەسەندکردنی.