هەرێم نیوز 

ڕێکخراوی نەتەوە یەکگرتوەکان ئه‌مڕۆ سێشەممە هۆشدارییدا کە شەڕی ئیسرائیل ئابوریی غەززەی وێران کردوە و هەڕەشە لە "مانەوەی" خاکی فەڵەستین دەکات و داوای دەستێوەردانی نێودەوڵەتی "بەپەلە و جەوهەری" دەکات.

کۆنفرانسی بازرگانی و گەشەپێدانی نەتەوە یەکگرتوەکان (UNCTAD) لە ڕاپۆرتێکی نوێدا ڕایگەیاندوە، ئاوەدانکردنەوەی کەرتی غەززە زیاتر لە 70 ملیار دۆلاری تێدەچێت و ڕەنگە دەیان ساڵ بخایەنێت، هۆشداریشیدا لەوەی شەڕ و سنوردارکردنەکان بوەتە هۆی "داڕوخانێکی بێ وێنەی ئابوری فەڵەستینگ.

ئاماژەی بەوەشکردوە، "ئۆپەراسیۆنە سەربازییەکان بە توندی هەمو پایەکانی مانەوەیان تێکداوە"، لە خۆراکەوە تا شوێنی حەوانەوە و چاودێری تەندروستی، "و غەززە پاڵیان پێواوە بۆ ناو کۆتایییەکی دروستکراوی مرۆڤ".

به‌گوێره‌ی نەتەوە یەکگرتوەکان، "وێرانکارییە بەردەوام و سیستماتیکییەکان گومان دەخاتە سەر توانای غەززە بۆ دوبارە بنیاتنانەوەی خۆی وەک فەزا و کۆمەڵگەیەکی گونجاو بۆ ژیان".

بەپێی ڕاپۆرتەکەی UNCTAD، قەبارەی ئەو زیانانەی بە کەرتەکە کەوتوە "زنجیرەیەک قەیرانی ئابوری، مرۆیی، ژینگەیی و کۆمەڵایەتیی ئازادکرد، کە لە دۆخی دابەزینی گەشەسەندنەوە پاڵیان پێواوە بۆ حاڵەتێکی لەناوچونی تەواو".

لە ڕاپۆرتەکەدا ئاماژەی بەوەشکردوە، "تەنانەت بە گەشەسەندنی دو ژمارەیی پێشبینیکراو و پشتگیرییەکی بەرچاوی یارمەتییە دەرەکییەکان، ڕەنگە غەززە پێویستی بە چەند دەیەیەک هەبێت بۆ گەڕاندنەوەی ئەو ئاستە خۆشگوزەرانییەی کە پێش ئۆکتۆبەری 2023 بەدەستی هێنابو".

بىعۆی هێرشێکی حەماس بۆ سەر باشوری ئیسرائیل لە ئۆکتۆبەری 2023دا، هەزار و 221 کەس لە ئیسرائیل کوژران کە زۆربەیان مەدەنی بون و شەڕێکی وێرانکەری دو ساڵەی غەززەی لێکەوتەوە.

لە بەرامبەردا بۆردومانی ئاسمانی و زەمینی ئیسرائیل لە کاردانەوە بە هێرشی حەماس بووە هۆی کوژرانی لانیکەم 69 هەزار و 756 فەڵەستینی کە زۆربەیان ژن و منداڵ بون، بە پێی ئامارەکانی وەزارەتی تەندروستی غەززە کە نەتەوە یەکگرتوەکان بە جێی متمانەی دەزانێت.

شەڕەکە بوەهۆی وێرانکارییەکی بەرفراوان لە کەرتەکەدا و قەیرانێکی مرۆیی کە گەیشتە ئەو ئاستەی کە نەتەوە یەکگرتوەکان لە هەندێک ناوچەدا برسێتی ڕاگەیاند.
نیشانەکردن فەڵەستین ئیسرائیل