هەرێم نیوز
وەزارەتی کارەبای عێراق ڕایدەگەیەنێت، بەهۆی کاری چاکردنەوە لە بۆرییەکانی گاز لە نێو خاکی ئێران، ئەو وڵاتە هەناردەکردنی گازی بۆ عێراق بە تەواویی ڕاگرت، ئەو کورهێنانەشی کە لە دابینکردنی کارەبا ڕوودەدات چارەی دەکەین و پلانی جێگرەوەمان هەیە.
ئه‌مڕۆ هه‌ینی، ئه‌حمه‌د مووسا گوته‌بێژى وه‌زاره‌تى كاره‌باى عێراق له لێدوانێكى بۆ ئاژانسى هه‌واڵى عێراق رایگەیاند، "ئێران برووسكه‌ى بۆ وه‌زاره‌تى كاره‌با ناردووه، له‌وه ئاگادارى ده‌كاته‌وه ماوه‌ى هه‌فته‌یه‌كى ته‌واو هه‌نارده‌ى گازى سروشتى بۆ عێراق ده‌وه‌ستێ به هۆى چاككردنه‌وه‌ى ئه‌و بۆڕیانه‌ى گازه‌كه له‌ناو خاكى ئێرانه‌وه"
وه‌زاره‌تى كاره‌با روونى ده‌كاته‌وه سێ رۆژه هه‌نارده‌ى گازى سروشتى بۆ عێراق له‌لایه‌ن ئێرانه‌وه وه‌ستاوه و دواى چوار رۆژى تر ده‌ست پێ ده‌كاته‌وه. دووپاتیشى ده‌كاته‌وه وه‌زاره‌ت بۆ به‌كارخستنى وێستگه‌كانى كاره‌با په‌ناى بۆ سووته‌مه‌نى تر بردووه.
کاتێک پێدانی گاز بۆ وێستگەکانی کارەبا لە عێراق دەوەستێت، ئەو وڵاتە هەزاران مێگاوات کارەبا لە تۆڕی نیشتمانی لە دەست دەدات، ئەمەش دەبێتە هۆی ئەوەی کاتژمێرەکانی پێدانی کارەبا بە هاوبەشان بە شێوەیکی بەرچاو کەم ببێتەوە.
بە پێی زانیارییەکان، عێراق ڕۆژانە پێویستی بە 50 بۆ 55 ملیۆن پێ سێجا گاز هەیە بۆ دابینکردنی حەوت بۆ هەشت هەزار مێگاوات کارەبا.
کاتێک ئێران بڕی هەناردەکردنی گازی سروشتی بۆ عێراق کەم دەکاتەوە، بڕی غاز لەو وڵاتە دادەبەزێت بۆ نزیکەی 5 تا 10 ملیۆن پێ سێجا لە ڕۆژێکدا، ئەمەش دەبێتە هۆی ئەوەی عێراق شەش بۆ حەوت هەزار مێگاوات کارەبا لە دەست بدات.
هەروەها عێراق بە شێوەیەکی گشتی، ڕۆژانە هەزار و 200 مێگاوات کارەبا لە هەرێمی کوردستانەوە هاوردە دەکات، بەڵام بەهۆی هێرشەکەی سەر کۆرمۆرەوە هاوردەکردنەکە وەستاوە.
له پرۆگرامێكى كه‌ناڵى وه‌ن نیوزى عێراقى كه ئه‌م ئێواره‌یه په‌خش كرا، گومان له هاوكاتبوونى بڕینى گازى سروشتى ئێران و هێرشه‌كه‌ى سه‌ر كێڵگه‌ى كۆرمۆر ده‌كه‌ن.