هەرێم نیوز
بەیانیی ئەمڕۆ شەممە، بارزانی گەیشتە شارۆچکەی جەزیرەی بۆتانی سەر بە پارێزگای شرنەخ، بە مەبەستی بەشداری لە چوارەمین سیمپۆزیۆمی نێودەوڵەتیی "مەلای جزیری" و بڕیارە وتارێکی پێشکەشی ئامادەبووان کرد.
بارزانی، سەرۆكی پارتی دیموكراتی كوردستان، لەمیانی بەشداریكردنی لە چوارەمین سیمپۆزیەمی نێودەوڵەتی مەلای جزیری كە لە شاری جزیرەی بۆتان لەلایەن زانكۆی شرناخەوە رێكخراوە، رایگەیاند: پرۆسەی ئاشتی گۆڕانێكی مەزنە كە لە ناوچەكە روویداوە، ئێمە زۆر خۆشحاڵبوین بە دەستپێكردنی ئەو پرۆسەیە، دەبینین ئەمجارە پرۆسەكە زۆر بە رێك و پێكی دەستیپێكردووە، چونكە میللەت و حزب و پەرلەمان پشتیوانی دەوڵەتن، لێرەدا بەپێویستی دەزانم سوپای سەرۆك كۆماری توركیا و دەوڵەت و پەرلەمان و میللەتی توركیا بكەم دەرگای ئاشتیان كردەوە، كە باشترین دەرگاو باشترین بژاردەیە، دەستخۆشی لە بەرێز ئۆجەلان دەكەن كە ئەویش هەنگاوی ئەرێنی دەنێت و ئێمەش بەهەموو توانای خۆمانەوە پشتیوانی پرۆسەی ئاشتی دەكەین، هەرچیشمان پێبكرێت درێغی ناكەین و دەبێتە مایەی خێرو خۆشی بۆ هەموان.
ئەوەشی خستە ڕوو: ”مەلای جزیری ئەستێرەیەكی گەشە و هیچ كاتێك ئاوا نابێت، سەرقافلەی عاشقانی رێگەی حەقە، شیعرەكانی جزیری هیچ كاتێك كۆن نابن و هەموو جارێك مرۆڤ وەها تەخمین دەكات كە تازە گوێی لێ دەبێت. چەند بە قووڵی تۆ بچیتە نێو شیعرەكانی جزیری، هێندە زیاتر لە جزیری نزیك دەبیت و سەرسام دەبیت بە جزیری.“
ئاماژەی بەوەش كرد: ”لە تەكیەی بارزان، لە حزووری مەولانا شێخ ئەحمەدی بارزانی بەردەوام شیعرەكانی جزیری دەخوێندرانەوە. بۆ ئێمە دەركەوت كە چ نزیكایەتییەكی رۆحی لە نێوان ئەواندا هەیە، چونكە رێگەی حەق و حەقیقەت یەكە، هەروەكوو جزیری دەفەرموێت: ”د ئەسل دا کو حەمی ئاڤە چ ئاڤ و چ جەمەد.“