هەرێم نیوز
سەرۆکی حکومەتی هەرێمی کوردستان لە پەیامێکدا رایگەیاند، بە داخەوە بە هۆی لافاوەوە، دوو هاووڵاتی لە شارەدێی شۆڕش سەر بە قەزای چەمچەماڵ گیانیان لە دەستداوە و زیانی ماددیش بەر ماڵی هاووڵاتییان و قوتابخانە و فەرمانگەکانی حکومەت کەوتووە.
مەسرور بارزانی پرسە و سەرەخۆشیی قووڵی خۆی ئاراستەی کەسوکاری قوربانیان کردووە دەڵێت: و هاوبەشی خەمیانم ، هیوای چاکبوونەوەی خێراش بۆ برینداران دەخوازم.
هەر لە پەیامەکەدا روونیکردووەتەوە: وەزارەتە پەیوەندیدارەکان و ئیدارەی خۆجێییم ڕاسپاردووە کە بە هانای لێقەوماوانەوە بچن و هەر هاوکاری و یارمەتییەک پێویست بێت، پێشکەشیان بکەن.