واشنتۆن/ تاران – Herêm News
لە پەرەسەندنێکی نوێی مەیدانیدا، فەرماندەیی ناوەندیی هێزەکانی ئەمریکا "سەنتکۆم" و کۆشکی سپی، ئاماری تێشکانی سەربازیی ئێرانیان بڵاوکردەوە. واشنتۆن پەیامێکی توندی ئاراستەی تاران کردووە کە یان دەبێت واقیع قبوڵ بکات یان ڕووبەڕووی "دەرگاکانی جەهەنەم" ببێتەوە.
سەنتکۆم: ئێران لە ٩٠٪ی توانای هێرشبەریی بێبەش کراوە
ڕۆژی پێنجشەممە، براد کۆپەر، فەرماندەی "سەنتکۆم" ڕایگەیاند، ئەو ئۆپەراسیۆنە سەربازییانەی کە ئەمریکا سەرکردایەتییان دەکات، سەرکەوتوو بوون لە کەمکردنەوەی هاویشتنی فڕۆکە بێفڕۆکەوانەکان و موشەکەکانی ئێران بە ڕێژەی 90%. کۆپەر ئاشکرایشی کرد کە:
• **92%**ی گەورەترین کەشتییە جەنگییەکانی ئێران تێکشکێنراون.
• سوپای ئەمریکا زیاتر لە ١٠ هەزار ئامانجی سەربازیی لە ناو خاکی ئێراندا پێکاوە.
جووڵەی "تریپۆلی" و گەیشتنی ٢٢٠٠ سەربازی مارێنز
وێنە سەتەلایتییەکان کە لەلایەن کۆمپانیای "میزار ڤیژن"ی چینی بڵاوکراونەتەوە، کەشتیی جەنگیی ئەمریکی **"یو ئێس ئێس تریپۆلی"**یان ڕصد کردووە لە دوورگەی "دییگۆ گارسیا" لە زەریای هیند، کە ئەمە دواین وێستگەیە پێش گەیشتنی بە ناوچەکە. ئەم کەشتییە هێزێکی مارێنزی تێدایە کە ژمارەیان نزیکەی ٢٢٠٠ سەربازە و ئەرکەکەیان گۆڕینی هاوسەنگیی هێزە لە ناوچەکەدا.
کۆشکی سپی: ترەمپ هەڕەشەی پوچ ناکات
کارۆلین لێڤیت، وتەبێژی کۆشکی سپی ڕایگەیاند: "پێویست بە مەرگ و وێرانکاریی زیاتر ناکات، بەڵام ئەگەر ئێران تێنەگات کە لە ڕووی سەربازییەوە شکستخواردووە، ئەوا سەرۆک ترەمپ زامن دەبێت کە گورزی زۆر توندتریان لێ بوەشێنرێت."
لێڤیت هۆشدارییەکی توندی دا و وتی: "سەرۆک ترەمپ ئامادەیە دەرگاکانی جەهەنەم بکاتەوە. دەبێت ئێران جارێکی تر هەڵە لە حیساباتەکانیدا نەکاتەوە." هەروەها ئاماژەی بەوە کرد کە تاران دەبێت بەرنامە ئەتۆمییەکەی ڕابگرێت و واز لە هەڕەشەکانی بۆ سەر ئەمریکا و هاوپەیمانەکانی بهێنێت.
پلانی ١٥ خاڵی و بەردەوامیی دانوستانەکان
سەرەڕای هەڕەشەکان، کۆشکی سپی پشتڕاستی کردەوە کە گفتوگۆکانی ئاشتی بەردەوامن و "بەرهەمدارن". لێڤیت ئاماژەی بەوە کرد کە ئەو ڕاپۆرتانەی باس لە پلانێکی ١٥ خاڵی ئەمریکا دەکەن بۆ کۆتاییهێنان بە جەنگ، "هەندێک ڕاستی"یان تێدایە، هەرچەندە تاران هەندێک لە خاڵەکانی ڕەتکردووەتەوە.
کۆتایی:
تا ئەم ساتە، ئەمریکا هیچ وادەیەکی بۆ دەستپێکردنەوەی هاتوچۆی ناقەی نەوت لە گەرووی هورمز دیاری نەکردووە، ئەمەش وەک کارتێکی فشاری ئابووریی کوشندە لە دژی تاران بەکاردەهێنرێت.