هەرێم نیوز
سکرتارییەتی کۆمەڵەی زەحمەتکێشانی کوردستان لە ڕوونکردنەوەیەکدا دەنگۆی تەقەکردنی "سیخوڕێک" لە ژمارەیەک پێشمەرگەی حیزبەکەیان و تێرۆرکردنی ئەندامێکی ڕێبەرایەتییان بە تەواوی ڕەت کردەوە.
ئەمڕۆ پێنجشەممە، 23ـی 7ـی 2026، سکرتارییەتی کومیتەی ناوەندیی کۆمەڵەی زەحمەتکێشانی کوردستان ڕوونکردنەوەیەکی بۆ ڕای گشتی بڵاوکردەوە و تێیدا ڕایگەیاند، دوای بڵاوبوونەوەی هەندێک هەواڵ لە تۆڕە کۆمەڵایەتییەکان لەبارەی ئەوەی گوایە سیخوڕێک تەقەی لە ژمارەیەک پێشمەرگە کردووە و دواتر هەڵهاتووە، هەروەها ئەندامێکی ڕێبەرایەتییان تێرۆر کراوە، بە ڕوونی ڕایدەگەیەنن کە ئەم زانیارییانە هیچ بنەمایەکی ڕاستییان نییە.
کۆمەڵەی زەحمەتکێشان دڵنیایی دا کە سەرجەم ئەندام و پێشمەرگەکانیان لە تەندروستی و سەلامەتیی تەواودان و هیچ ڕووداوێکی لەو شێوەیە ڕووی نەداوە. هاوكات داوای لە هاووڵاتییان و دەزگاکانی ڕاگەیاندن کرد کە تەنها پشت بە سەرچاوە و ڕاگەیاندنە فەرمییەکانی کۆمەڵە ببەستن و لە بڵاوکردنەوەی دەنگۆی بێسەرچاوە خۆیان بپارێزن.