هەرێم نیوز
چەند فڕۆکەیەکی بێفڕۆکەوان (درۆن) لە ناوچەی سێبیران لە نزیک شاری هەولێر خرانە خوارەوە و تەقێندرانەوە، و بەو هۆیەوە زیانی مادیی لە زەویوزاری ناوچەکە کەوتەوە.
بەپێی زانیارییە سەرەتاییەکان، لە ئەنجامی تەقینەوەی ئەو درۆنانە پاش کەوتنەخوارەوەیان، ئاگرێکی گەورە لە پووش و پەڵاش و زەویوزاری کشتوکاڵیی هاووڵاتییانی ناوچەکە کەوتووەتەوە.
تیمەکانی فریاکەوتن و بەرگریی شارستانی خەریکی کۆنتڕۆڵکردنی ئاگرەکەن تاوەکو نەگاتە ناوچە نیشتەجێبوونەکان و زیانی زیاتر بە باخ و کێڵگەی جووتیاران بگەیەنێت.
ئەم رووداوە ئەمنییە لە کاتێکدایە کە لەم چەند ڕۆژەی دواییدا ناوچە جیاجیاکانی هەرێمی کوردستان چەندین جار ڕووبەڕووی مەترسی و هێرشی درۆنی و مووشەکی بوونەتەوە.