هەرێم نیوز
بەرپرسێکی باڵای ئێران بە ئاژانسی ڕۆیتەرزی ڕاگەیاندووە، ئەو دانوستان و پێشنیارانەی کە وەزیرانی دەرەوەی ئەڵمانیا، فەرەنسا و بەریتانیا ڕۆژی هەینی سەبارەت بە بەرنامەی ئەتۆمی ئێران لە جنێڤ پێشکەشی عەباس عێراقچی-یان کرد، "نا واقعی"ن و پێداگری لەسەر ئەو پێشنیازانە، دوو لایەن لە ڕێککەوتن نزیک ناکاتەوە.
دەشڵێت: بەهەرحاڵ ئێران پێداچوونەوە بە پێشنیارەکانی ئەوروپایی لە تاران دەکات و لە کۆبوونەوەی داهاتوودا وەڵامەکانی خۆی دەخاتە ڕوو.
ئەو بەرپرسە هەروەها جەختی لەوە کردەوە، کە سفرکردنەوەی پیتاندنی یۆرانیۆم دەمانگەیەنێتە بنبەست و ئێران ئامادە نییە دانوستان لەسەر توانا بەرگرییەکانی خۆی بە بەرنامەی مووشەکیشەوە بکات.