هەرێم نیوز
بەڕێوەبەرایەتی ئاسایشی پارێزگای سلێمانی، چوار تۆمەتباری هەڵاتوو لە یاسای لەیەکێک لە هۆتێلەکانی شاری سلێمانی دەستگیرکرد کە بەمەبەستی خۆحەشاردان ڕوویان لەسلێمانی کردبوو.
تۆمەتباران لەساڵی ٢٠٢٤ لەپارێزگای دهۆک لەسەر کێشەی کۆمەڵایەتی هاوڵاتییەکیان کوشتووە و هەڵاتوون، بەڕێوەبەرایەتی ئاسایشی پارێزگای سلێمانی، لە ٢٠٢٥/٨/١٩ دوای چاودێری و بەدواداچوون و کۆکردنەوەی زانیاری، بەبڕیاری دادوەری لێکۆڵینەوەی ئاسایش توانیان هەر چوار تۆمەتبار دەستگیربکەن.
لە ئێستادا تۆمەتباران بە ماددەی(٤٠٦) لەیاسای سزادانی عێراقی ڕاگیراون و بەپێی تایبەتمەندی کەیسەکەیان، ڕادەستی بەڕێوەبەرایەتی پۆلیسی پارێزگای دهۆک دەکرێنەوە.