ڤیدیۆیەکی مامۆستا مەسعود محەمەدم بینی، دەبێژێت: کورد دوو هەزار و پێنج سەد ساڵە لە دەرەوەی مێژوودا دەژیت.
بە کورتییەکەی واتە کورد لەگەڵ ڕەوتی گۆڕان و ڕووداوەکاندا ڕێی نەکردووە.
پەکەکە بریتی نییە لەو کۆمەڵە گەریلایەی لە چیاکانی کوردستاندابەرخۆدان دەکەن.
بریتیش نییە لەو کۆمەڵە سەرکردەیەی ئێستای پەکەکە ، یان ئەو کۆمەڵە کەسانەی لێرە و لەوێ لەکاری ڕێکخراوەیی پەکەکەدا دەردەکەون.
کورد بە گشتی زۆر کەمیان پەکەکە دەناسن، بۆیەشە دوای ڕاگەیەندراوی کۆنگرەی دوانزە و خۆهەڵوەشاندنەوەیان بەشکستی دەزانن.
پەکەکە، بەر لەوەی ڕێکخراوێکی سیاسی چەکداری بێت، پەکەکە سیستمێکی سەردەمی ڕانەگەیەندراوە، پەکەکە فەلسەفەیە ئایدیۆلۆژیایە.
بۆ نمونە: فەلسەفەی ئۆجەلان، دەیان توێژینەوەی لە زانکۆکانی جیهان و ناوەندە ئەکادیمیەکاندا بۆکراوە و بە دەیان زمانی جیهانی بیر و ڕامانی ئۆجەلان چاپ و بڵاوکراوەتەوە، لە ئێستادا تێزەکانی ئۆجەلان سنورەکانی دنیای شکاندووە.
لەو ڕوانگەیەوە چواندنی خۆهەڵوەشاندنەوەی پەکەکە بە کۆمەڵێک بزوتنەوەی چەکداری شکستخواردوو، ئەوپەڕی بێ ئاگایی و هەڵەی بێ ئاگاییبوونە لەسەردەم و مێژووی ڕووداوەکان.
شکست ئەوەیە نیو سەدەلە بازنەیەکدا بخولێیەوە، بێ ئەوەی بکەویە بەر کاریگەی گۆڕانکارییەکانی دەوروبەر و هەر لەسەر ڕیتمەکەی خۆت بەردەوام بیت.
لە ئێستادا سۆسیالیزمی دیموکراتی و پێکەوە ژیانی گەلانی ڕۆژهەڵاتی ناوەڕاست تاکە ئەلتەرناتیڤی دیفاکتۆیە بۆ هاوسەنگی هێزە جیهانییەکان و بەڕێوەبەرایەتییەکی پەسەند.
تورکیا: تاکە وڵاتی ئیسلامیە کە ئەندامی ڕێکخراوی سەربازی ناتۆیە، بەپێی پەیڕەوی ناوخۆی ڕێکخراوەکە، بێ ڕەزامەندی و ئاگاداری ڕێکخراوەکە تورکیا ناتوانێت بچێتە پرۆسەیەکی لەو بابەتە، کەواتە زلهێزەکان بەوردی ئاگادارن و چاودێری پرۆسەکە دەکەن.
بە کورتی: بە دەستکەوتی کەمیشەوە بێت، پرۆسەی ئاشتی لە بەرژەوەندی هەموو لایەکە، بە کورد و تورکیشەوە، تەنها ئەوەی گرنگە دەبێ تورکیا بەزوویی بژار و چاکسازییەک لە دەستوری دەوڵەتدا بکات بۆ بەردەوامی پرۆسەکە و مکومکردنی پایەی متمانە.