هەرێم نیوز
حکومەتی هەرێمی کوردستان بڕیاری دا پرۆسەی خوێندن لە سەرجەم ناوەندەکانی پەروەردە و خوێندنی باڵا لە شێوازی ئامادەبوونی ناو پۆلەوە بگۆڕێت بۆ شێوازی ئۆنلاین و دیجیتاڵی.
ئەم بڕیارە دوای کۆبوونەوەیەکی هاوبەشی وەزارەتە پەیوەندیدارەکان لە ڕۆژی ٢٩-٠٣-٢٠٢٦ دەرکراوە.
بەپێی بڕیارەکە، لەم قۆناغەدا دەرگای ناوەندەکانی خوێندن بۆ هەموو قۆناغەکان دادەخرێت و تەنیا بەشێوازی دیجیتاڵی بەردەوام دەبن.
حکومەت هەردوو وەزارەتی پەروەردە و وەزارەتی خوێندنی باڵا و توێژینەوەی زانستی ڕاسپاردووە کە ڕێکاری پێویست بگرنە بەر بۆ جێبەجێکردنی ئەم بڕیارە و ڕێکخستنی شێوازی نوێی خوێندنەکە.