بە چاودێری کردنێکی ورد تێبینی ئەوە دەکرێت. هەمیشە لە هەمو خولەکانی هەڵبژاردندا هەڵبژاردنی پارلەمانی کوردستان حەماسەت و شەوق و زەوقێکی کۆمەڵایەتی و سیاسی زیاتری لەناو خەڵکا هەیە بەراورد بە هەڵبژاردنەکان بۆ پەرلەمانی عێراق.
هەڵبژاردنی پارلەمانی عێراق جەوێکی کەئیب و ناخۆشی کۆمەڵایەتی دروستدەکات و خەڵک ئەو شەوقەی نیە کە بۆ خولی هەڵبژاردنی کوردستان هەیەتی .
بە تایبەت ئەم هەڵبژاردنە کە ماوەی هەڵمەتەکەشی زۆرەو ، هێشتا وەک دەڵێن ئەوەڵی رەمەزانە .
هەستەکەم تەنانەت کاندیدانیش پێیان نەماوەو بگرە بە سەرۆک حزبەکانیشەوە ئەم بێزاریە دیارە و خوا خوایانە رۆژێ زوتر تەواو ببێ
جا ئەم حاڵەتە سایکۆلۆژی سیاسیەش بە ڕای موتەوازعی بەندە پەیوەستە بەو کۆنەستە جەماعیە توندو تۆڵەی خەڵکی ئێمە بۆ خاک و هەرێم و قەوارەی سیاسی خۆی هەیەتی.
هەروەها ئاماژەی جۆرێک لە نامۆیی و دابڕانە لە نێوان خەڵکی ئێمەو وڵاتێک بە ناوی عێراق .
ئینجا نیشانەی ئەوەیە سیاسەتی راستەقینە لێرەیە نەک لە بەغدا
هەمو مامەڵەیەکی سیاسی ئێمەش بە حزب و خەڵکەوە لەگەڵ عێراق، مامەڵەیەکی ناچاری مەوزوعیە نەک خودی و دڵخوازانە.