هەرێم نیوز

کەمێک پێش ئێستا و لەهەواڵێکی بەپەلەدا، کوردسات نیوز بڵاویکردەوە کە لە ماڵی مام جەلالدا سیخوڕ گیراوە و کاری بۆ هاوسەرۆکی پێشوو کردووە.

سەرچاوەیەکی باڵا لە یەکێتیی نیشتمانیی کوردستان  بەمیدیاکانی نزیک لە بافڵ تاڵەبانی راگەیاندووە, لەناو ماڵی مام جەلال لە دەباشان سیخوڕ گیراوە و دانیناوە بەوەی کاری بۆ ھاوسەرۆکی پێشووی یەکێتی کردووە و بەکارھێنراوە بۆ مەرامی تایبەتی و لێدان لەبەرژەوەندییە باڵاکانی یەکێتی.
ئەوەش لەکاتێکدایە  ڕۆژی 8-7-2021  گرژی و ململانێی نێوان بافڵ تاڵەبانی و لاهور شێخ جەنگی نزیکبووە لەپێکدادانی سەربازی، بەڵام بەهەوڵ و نێوانگیری ناوخۆیی و دەوڵەتانی ئیقلیمی دۆخەکە هێورکرایەوە.

هەر لەسەرەتای سەرهەڵدانی كێشەی نێوان پافڵ تاڵەبانی و لاهور شێخ جەنگی زۆرینەی هێزی سەربازی و ئەمنی پشتگیری بافڵ تاڵەبانی بوون و میدیای فەرمی حزبەكەش بافڵ تاڵە بانی وەك سەرۆك ناساند.

هاوكات زۆربەی سەرکردە کۆنەکانی یەکێتی چونەتە پاڵ بافڵ تاڵەبانی، چونکە ئەوان لەکۆنگرەی چواری یەکێتییەوە پەراوێزخراون، پێیانوایە ئەوەی بەرپرسی یەکەم و کۆتاییە لەو پەراوێزخستنە لاهور شێخ جەنگییەو سەرکردایەتی پڕکردوە لە خەڵکانی بێ ئەزمون و خاوەن ئەزمونەکانی خستوەتە دەرەوەی بازنەکان.
رۆژی یه‌كشه‌ممه‌ی ڕابردووش 11-7-2021، بافڵ تاڵه‌بانی و قوباد تاله‌بانی‌ پۆستی به‌رپرسی هێزی دژه‌ تیرۆر و دەزگای زانیاریان یه‌كلاكرده‌وه‌و له‌بری پۆڵاد شێخ جه‌نگی، برای لاهور شێخ جه‌نگی، وه‌هاب هه‌ڵه‌بجه‌ییان كرد به‌ به‌رپرسی ئه‌و هێزه‌ و  ئه‌ژی ئه‌مین، له‌بری محەمەد تەحسین تاڵەبانی كرایە بەرپرسی دەزگای زانیاری.
ڕۆژی 13-4-2021 لەلایەن هێزێکی سکرتارییەتی مام جەلالەوە دەست بەسەر دامەزراوەی میدیای ئای پڵەسی لاهور شێخ جەنگیدا گیرا و دوای سەعاتێک لەدەستبەسەرکردن، دواتر تەواوت کارمەندان ئازادکران.
ڕۆژی 14-7-2021 یەکێک لە ماڵپەڕە چالاکەکانی لاهور شێخ جەنگی بەناوی ژیان داخرا و بڕیار وایە لەسەر سکاڵای یەکێتی تەواوی پەیجەکانی لاهور شێخ جەنگی لەماوەی چەند ڕۆژی داهاتوودا دابخرێن.