هەرێم نیوز
پهرلهمانی عێراق له كۆبوهوهی ئهمڕۆیدا به ئامادهبونی 176 پهرلهمانتار دهنگیدا لهسهر یاسای بودجهی 2025ی عێراق، بهپێی یاساكه نرخی دەرهێنان و گواستنەوەی هەر بەرمیلێک نهوت 16 دۆلار دیاریکراوە بۆ ماوەی 60 رۆژ دهستپێدهكاتهوە.
ئەمڕۆ یەکشەممە، 2ی 2ی 2025، پەرلەمانی عێراق لە دانیشتنی ئهمڕۆیدا هەمواری یەکەمی یاسای بودجەی 2025ی عێراقی پەسەند کرد، كه بەپێی یاساکە هەناردەکردنەوەی نەوتی هەرێمی كوردستان لە ڕێگەی سۆمۆوە دەستپێدەکاتەوه.
ئاماژهی بهوهشكرد، بهپێی یاساكه نرخی دەرهێنان و گواستنەوەی هەر بەرمیلێک نهوت 16 دۆلار دیاریکراوە بۆ ماوەی 60 رۆژ دهستپێدهكاتهوه.
لای خۆیەوە، شاخەوان عەبدوڵڵا، جێگری سەرۆکی ئەنجوومەنی نوێنەرانی عێراق رایگەیاند، سوپاس بۆ خودا لە پەرلەمان دەنگ لەسەر "هەمواری یاسای بودجە دراو ، هیچ بیانویەک لەبەردەم هەناردە کردنەوەی نەوتی هەرێم و نەناردنی بودجەی هەرێم نەما".
هاوکات، ئامانج ڕەحیم، سکرتێری ئەنجوومەنی وەزیرانی هەرێمی کوردستان لە ڕاگەیەندراوێکدا ئاماژەی بەوە کرد، پەرلەمانی عێراق بڕیاریدا بە پەسەندکردنی پڕۆژە یاسای هەموارکردنەوەی مادەی (12/دووەم/ج) لە یاسای بودجەی سێ قۆڵی ژمارە (13ی ساڵی 2023)، بۆ ئەوەی ئەمانەی خوارەوە بگرێتەوە:
1- وەزارەتی دارایی فیدراڵی بەڵێن دەدات حکومەتی هەرێمی کوردستانی عێراق لە خەرجییە سەروەرییەکان بۆ تێچووی بەرهەمهێنان و گواستنەوە قەرەبوو بکاتەوە، بۆ ئەو بڕە نەوتەی لە هەرێم بەرهەم دێت کە لەلایەن کۆمپانیای بەبازاڕکردنی نەوت (سۆمۆ)ەوە وەردەگیرێت، یان وەزارەتی فیدراڵی لە… نەوت بەپێی بڕگەکانی (ئە) و (ب)ی ئەم بڕگەیە، بەمەرجێک تێچووی دادپەروەرانەی خەمڵێنراوی بەرهەمهێنان و گواستنەوە بۆ هەر کێڵگەیەک بە جیا حیسابی بۆ بکرێت، لەلایەن دەزگایەکی ڕاوێژکاری تەکنیکی نێودەوڵەتی تایبەتمەندەوە، کە لەلایەن وەزارەتی نەوتی فیدراڵی بە ڕێککەوتن لەگەڵ وەزارەتی سامانە سرووشتییەکان لە هەرێمەستنیشانی دەکات ، لە ماوەی (60) ڕۆژدا لە چوونە بواری جێبەجێکردنی ئەم یاسایەوە، و لە ئەگەری ناکۆکی لە ماوەی ئەو ماوەیەی پێشوودا، ئەنجوومەنی وەزیرانی فیدراڵی ئەو دەستەی ڕاوێژکاریە دیاری دەکات.
2- ئەو ڕاوێژکارییەی لە بڕگەی پێشوودا ئاماژەی پێکراوە، تێچووی خەمڵێنراوی بەرهەمهێنان و گواستنەوەی پێشکەش بە وەزارەتەکانی نەوت و وەزارەتی دارایی فیدراڵی و حکومەتی هەرێمی کوردستانی عێراق دەکات و بۆ مەبەستی ئەم یاسایە پەسەند دەکرێت، و حیسابکردنی قەرەبووی پێشوو دەبێت لەسەر بنەمای تێچووی پێشوو بۆ هەر بەرمیلێک کەڕەتی ژمارەی بەرمیلەکانی وەرگیراو بەپێی بڕگەکانی (ئەلف) و (ب)، لەم بڕگەیە، و وەزارەتی دارایی فیدراڵی ئەو بڕە پارانە دەدات بە حکومەتی هەرێم.
3- دەستبەجێ دەست بە گەیاندنی نەوتی بەرهەم هێنراو لە هەرێم بۆ کۆمپانیای بەبازاڕکردنی نەوت (سۆمۆ)، یان وەزارەتی نەوتی فیدراڵی بەپێی بڕگەی (ئەلف) و (ب)ی ئەم بڕگەیە،و قەرەبووی تێچووی بەرهەمهێنان و گواستنەوەی دەکرێتەوە لەلایەن وەزارەتی دارایی فیدراڵی بەشێوەی سولفە، بە تێکڕای (16) دۆلار بۆ هەر بەرمیلێک، کە دواتر چارەسەر دەكرێت دوای تەواوبونی كاری راوێژكاری تەكنیكی تایبەتمەند كە لەسەرەوە باسكراوە لەسەر بنەمای پێشتر گرتنەوە لە بەرواری دەستكردن بە رادەستكردنی نەوت بە گوێرەی ئەم هەموارە.