هەرێم نیوز
بەیانی ئەمرۆ لەسەر رووباری خازر لە نزیک گوندی قایماوای سەر بە قەزای بەردەڕەش چوار گەنجی هاورێ و کەسوکاری یەکتر بۆ مەبەستی خواردنی تێشتی بەیانیان چووبوون بۆ سەر رووباری خازر و لەوێش خنکان.
بەڕێوەبەرایەتی بەرگریی شارستانیی ئاکرێ، ئەمڕۆ دووشەممە لە ڕاگەیەندراوێكدا بڵاویكردەوە، کاتژمێر 7:00ـی بەیانی چوار گەنج لەکاتی مەلەکردندا لە گوندی قایماوە خنکاون.
ئاماژەی بەوەشكرد، گەنجەكان دانیشتوی بەردەڕەشی بچوکن، ناوەكانیان؛ ئەسمامە محەممەد عەزیز لەدایکبوی 2003، مەحمود جەمال عەبدولواحید لەدایکبوی 2004، بیلال کەمال مستەفا لەدایکبوی 2007 و محەمەد کەمال مستەفا لەدایكبوی 2008ـن.
بەگوێرەی ڕاگەیەندراوەكەی بەڕێوەبەرایەتی بەرگریی شارستانیی ئاکرێ، تەرمی ئەو چوار گەنجە دەرهێندراوەتەوە و ئێستا گواستراوەنەتەوە بۆ نەخۆشخانەی فریاکەوتنی ئاکرێ.