دواین هەواڵ

کوردستان‌

 18 کاتژمێر پێش ئێستا

پارێزگای هەڵەبجە: سوپاس بۆ حكوومەت ئێمەی كردە یەكەمی عێراق

هەرێم نیوز

دوای ئەوەی پڕۆژەی رووناکی گەیشتە هەڵەبجە، پارێزگای هەڵەبجە لە راگەیەنراوێکدا ئاماژە بگەوە دەدات کە یەکەم پارێزگایە لەسەر ئاستی عێراق بە تەواوەتی کارەبای 24 کاتژمێری پێ گەیشتبێت.
ئەمڕۆ شەممە، پارێزگای هەڵەبجە، ڕایگەیاند: سوپاسی حکوومەتی هەرێمی کوردستان دەکەین بە رەچاوکردنی تایبەتمەندی پارێزگاکەمان هەڵەبجەی وەک یەکەمین پارێزگا بە تەواوەتی ڕووناک کردووەتەوە و ئەمەش بە دەستکەوتێکی گرنگ بۆ پارێزگاکە و هاووڵاتییانمان دەزانین.

لە ڕاگەیندراوەکەی پارێزگای هەڵەبجەدا هاتووە، ئاگاداری هاووڵاتییانمان دەکەینەوە، لەسەر داواکاریتان نامەی فەرمی پێشکەش بە ئەنجوومەنی وەزیران کراوە، لەبارەی نرخی کارەبا بە لەبەرچاوگرتنی ئەوەی کە هەڵەبجە پارێزگایەکی نوێیە و ژمارەی دانیشتووانی کەمە، داوامان کردووە، جیاکارییەک بۆ پارێزگاکە بکرێت لە نرخی کارەبادا.

لە سوپاسەكەی پارێزگای هەڵەبجەدا هاتووە، لە كاتێكدا كە كارەبا و نەبوونی وزە كێشەیەكی گەورەیە لە هەموو عێراق و هاووڵاتییان بە دەستیەوە دەناڵێنن، ئیدارەی پارێزگای هەڵەبجە داوا لە هاوڵاتییانی دەكات، هۆشیارانە مامەڵە لەگەڵ بەكارهێنانی كارەبادا بكەن و بەپێی ڕێنوێنییەكان بجووڵێنەوە. بەكارهێنانی كارەبا بەشێوەیەكی پێویست و بەرپرسیارانە و دووركەوتنەوە لە زیادەڕەوی، دەبێتە هۆی ئەوەی كە نرخی پسوولەكان گونجاو بێت و باری سەرشانی هاووڵاتییان قورس نەبێت، دواتریش گرەنتیی دابینكردنی كارەبای بەردەوامە بۆ هەمووان. 



Copyright © 2020 All Rights Reserved Designed And Developed By AVESTA GROUP