هەرێم نیوز
سەرۆکوەزیرانی عێراق بە بۆنەی هەشتاهەمین ساڵیادی دامەزراندنی پارتی دیموکراتی کوردستان، پەیامێکی پیرۆزبایی ئاراستەی سەرکردایەتی، ئەندامان و لایەنگرانی پارتی دەکات و جەخت لەسەر بەردەوامیی کاری هاوبەش دەکاتەوە.
ڕێبازی سیاسیی پارتی و هاوبەشی لە نیشتماندا
ئەمڕۆ یەکشەممە ١٦ی ئابی ٢٠٢٦، عەلی زەیدی، سەرۆکوەزیرانی عێراق لە پەیامێکدا گەرمترین پیرۆزبایی ئاراستەی سەرکردایەتی، ئەندامان و لایەنگرانی پارتی دیموکراتی کوردستان کرد بە بۆنەی هەشتایەمین ساڵیادی دامەزراندنییەوە و هیوای سەرکەوتنی بەردەوامی بۆ خواستن.
عەلی زەیدی ڕێبازی سیاسیی پارتی و بەشدارییە دیارەکانی لە ژیانی نیشتمانیدا لەگەڵ هێزە سیاسییەکانی دیکەی عێراق بەبیر هێنایەوە و ئاماژەی بە مێژووی هاوبەشی نێوان لایەنەکان کرد.
پتەوکردنی سەقامگیری و پاراستنی سەروەریی عێراق
سەرۆکوەزیرانی عێراق لە بەشێکی دیکەی پەیامەکەیدا جەختی کردەوە لەسەر گرنگیی بەردەوامبوونی کاری هاوبەش بۆ چەسپاندنی هاوبەشی لە نیشتماندا.
هەروەها ئاماژەی بە پێویستیی پتەوکردنی سەقامگیری، پاراستنی یەکڕیزی و سەروەریی عێراق کرد، بە ئامانجی بنیاتنانی ئایندەیەک کە خواستەکانی هەموو پێکهاتە و ڕۆڵەکانی وڵات بەدی بێنێت.