هەرێم نیوز
ئەمڕۆ یەکشەممە ٢٠ی ئەیلوولی ٢٠٢٦، نێچیرڤان بارزانی، سەرۆکی هەرێمی کوردستان، پێشوازیی لە ئیمانوێل مێنیۆ، کونسوڵی گشتیی نوێی فەڕەنسا لە هەرێمی کوردستان کرد.
پێزانینی سەرۆکی هەرێم بۆ هاوکارییە مێژووییەکانی فەڕەنسا
لە دیدارێکدا، سەرۆکی هەرێمی کوردستان وێڕای پیرۆزبایی بۆ دەستبەکاربوونی، هیوای سەرکەوتنی لە ئەرکەکەیدا بۆ خواست و ئامادەییی تەواوی دامودەزگاکانی هەرێمی کوردستانی بۆ سەرخستنی کارەکانی دووپات کردەوە. هەروەها سوپاس و پێزانینی هەرێمی کوردستانی بۆ مێژووی پەیوەندیی دۆستانە و پشتیوانیی بەردەوامی فەڕەنسا بۆ گەلی کوردستان دووپات کردەوە.
تەئکیدکردنەوەی کونسوڵی نوێ لەسەر پەرەپێدانی پەیوەندییەکان
لای خۆیەوە، کونسوڵی گشتیی نوێی فەڕەنسا خۆشحاڵیی خۆی بە دەستبەکاربوونی لە هەرێمی کوردستان دەربڕی و جەختی لە پابەندی و خواستی وڵاتەکەی بۆ برەودان بە پەیوەندییە لەمێژینەکانی لەگەڵ هەرێمی کوردستان و فراوانکردنی ئاستی هاوکاریی هاوبەش لە بوارە جیاوازەکاندا کردەوە.
پەیوەندییەکانی نێوان هەولێر و بەغدا و بارودۆخی گشتیی عێراق و ناوچەکە تەوەرێکی دیکەی دیدارەکە بوو.