هەرێم نیوز
سەرۆکی حکوومەتی هەرێمی کوردستان و باڵیۆز تۆم بەڕاک لە پەیوەندییەکی تەلەفۆنیدا جەختیان لەسەر گرنگیی یەکگرتوویی حکوومەتی هەرێم، پێشچوونی گفتوگۆکانی بودجە لەگەڵ بەغدا و گەیشتن بە ڕێککەوتنی نەوت و غاز کردەوە.
دیپلۆماسی و کێشەکانی لەگەڵ بەغدا
ئەمڕۆ سێشەممە، ١٠ی تشرینی دووەمی ٢٠٢٦، مەسرور بارزانی، سەرۆکی حکوومەتی هەرێمی کوردستان ڕای گەیاند: "خۆشحاڵ بووم دوای سەردانەکەم بۆ بەغدا، لەگەڵ باڵیۆز تۆم بەڕاک لە ڕێگەی پەیوەندیی تەلەفۆنییەوە قسەمان کرد."
سەرۆکوەزیران مەسرور بارزانی ئاماژەی بەوەش دا، لە پەیوەندییەکەدا هەردوولا هاوڕا بوون لەسەر گرنگیی بەهێزی و یەکگرتوویی حکوومەتی هەرێمی کوردستان و چارەسەرکردنی کێشەکان لەگەڵ حکوومەتی فیدراڵ لەسەر بنەمای دەستوور.
یاسای بودجە و ڕێککەوتنی نەوت و غاز
لە بەشێکی دیکەی ڕاگەیەندراوەکەدا هاتووە، هەردوولا پێشوازییان لە بەرەوپێشچوونی گفتوگۆکان لەگەڵ سەرۆکوەزیرانی فیدراڵ عەلی زەیدی و حکوومەتەکەی لە بابەتی یاسای بودجەی فیدراڵیدا کردووە، هەروەها هیوا خوازراوە لە زووترین کاتدا ڕێککەوتنی نەوت و غاز بگاتە ئەنجامی کۆتایی.
لە کۆتاییشدا سەرۆکی حکوومەت جەختی کردەوە کە لە پەیوەندییە تەلەفۆنییەکەدا ڕەنگدانەوەی بەهێزی هاوبەشیی نێوان حکوومەتی هەرێمی کوردستان و ویلایەتە یەکگرتووەکانی ئەمریکا دووپات کراوەتەوە.