پشتی کابینا نەهێ یا حکومەتا هەرێما کوردستانێ ب سەرۆکاتیا رێزدار "مەسرور بارزانی" هاتی پێک ئینان. هەر دگەل دەست ب کاربوونا کابینا نەهێ بریارا دانا چاکسازیێ گهۆرینێن مەزن دان. کابینا نەهێ کاودانێن مەزن هاتنە بەراهیێ زێدەباری برینا بودچەیێ هەرێمێ،  دروستکرنا ئاستەنگان ژبۆ موچەیێ فەرمانبەرێن  هەرێما کوردستانێ ژلایێ بەغدایێ ڤە، هاتنا ڤایرۆسێ کۆرۆنایێ، مل ملانەیا لایەنێن سیاسی یێن هەرێما کوردستانێ، لێ کابینا نەهێ ب پلانێن سەردەمیانە و ستراتیژی بوو کابینا ئاڤادانیێ، خزمەت، چاکسازی، پێگڤە ژیانێ. زێدەباری باردۆخەکێ هەسیتار لێ ب باوەریا خەلکێ کوردستانێ ژبۆ سەرۆکێ حکومەتێ رێزدار "مەسرور بارزانی" پینگاڤێ بهێز هاڤێتن دەستگەڤتێن مەزن پێشکێشی خەلکێ کوردستانێ کرن.

کوردستان تاکە هەرێمە جهێ پێگڤە ژیان و ئاشتی و برایەتیێ ئێک دوو قەبولکرنێ، هەموو لژێر سیبەرا ئالایێ کوردستانێ ب هزرەکا نەتەوەی و هەستەکێ نشتیمانی ژیان دکەن. بەریا نها نە رێژەکا کێم موسلمانان قەستا عومرێ دکر، ئێزدیان ژبەر نەبوونا ئارامی و ئاسایشێ جەژن و هەلکەفتێن خوە ب دزیڤە دگێران. مەسیحی، کاکایان، زەردەشتیان ژترسا خۆ دیار نەدکرن. نها ب ئازادانە رێ و رەسمێ جەژن هەلکەفتێن خوە دگێرن. 

کابینا نەهێ یا حکومەتا هەرێما کوردستانێ گرنگیەکا مەزن ب پێگهاتە و ئاینێن کوردستانێ دایە. هەر ژ   دەستێپکێ ئێک ژ کارێن وێ یێ بەرچاڤ وەزارەتا پێگهاتەیان دامەزراند، ژبۆ خزمەتا پێگهاتەیێن کوردستانێ. سەدان پرۆژە ل جهێن پیرۆز و دەڤەرێن ئەو لێ ئاکنجی ئەنجام دان. بەردەوام سەرۆک وەزیران رێزدار"مەسرور بارزانی" بەشداریێ کۆنفراسێن پێگهاتەیاندا دکر، ژنێزیک ڤە هایداری رەوشا وان دبوو. چەندین پلە و پۆست بێ جێوازی سەر ئاستێن بلند دناڤ حکومەتێ دا ب پێگهاتەیان هاتنە دان. 


ئێزدی ئێک ژ پێگهاتەیێن گەڤنارن ل هەرێما کوردستانێ. کابینا نەهێ و سەرۆک وەزیران خزمەتەکا بێ سنور ئارستەی ئێزدیان کر. ئێزدی بێ بەها نەبوون ژ ئەڤێ کابینەیێ، چەندین پرۆژەیێن جۆارو جۆر هاتنە ئەنجام دان ل ناحیا باعەدرێ ، ناحیا خانکێ، کۆمەلگەها شاریا، کۆمەلگەها دێرەبوونێ، کۆمەلگەها مەهتێ هند... هشدە[18]پلە و پۆست دناڤ حکومەتێ دا ب ئێزدیان هاتنە دان. ب بریارا جەنابێ سەرۆک وەزیران رێزدار "مەسرور بارزانی" مینحەیەکا تایبەت ژبۆ رزگاربوویێن دەستێ تیرۆرستێن داعش هاتە دان، سەنتەرێ دەروونی ژبۆ وان هاتنە ڤەکرن. خوێندکارێن رزگاربووی دەلیڤێن خواندنێ ل پەیمانگەها ژبۆ وان هاتنە ڤەکرن. بەشەکێ مەزن ژ پەرستگەها پیرۆزا لالش و مەزارگەهێن پیرۆز یێن گوند و کۆمەلگەهێن ئێزدیان هاتنە نوژەنکرن. 

نها هەموو لایەنێن سیاسی چاڤەرێ پێک ئینانا کابینا دەهێ نە. داخوازیا ئێزدی ئەوە ب زوترین دەم بهێتە پێک ئینان، ژبەر نها رۆژهەلاتا ناڤین دگهۆرانکاریێن جوگرافی دایە. داکو پتر خزمەتا کورد و کوردستانیان بکەت، مافێ پگهاتەیان یی پاراستی بیت. سەر ئاستێ بلند پلە و پۆست دکابینا دەهێ دا ب ئێزدیان بهێنە دان.