هەرێم نیوز
محەمەدی حاجی مەحمود رایدەگەیەنێت، حزبی سۆسیالیست ئامادەن بۆ ڕووبەروو بونەوەی تیرۆریستان و ئامادەن بەو ئەركە هەستن.
سكرتێری حیزی سوسیالیست، راگەیەندراوێكی لەسەر هێرشەكی داعش بڵاو كردەوەو رایگەیاندوە، گرووپی تیرۆریستی داعش و مەترسییەكانی ھێشتا ماوە و ھێرشە یەك لەدوای یەكەكانیان ئاماژەن بۆ ھەوڵەكانی خۆرێكخستنەوەیان بۆیە پێویستە بە پلانی نوێی سەربازی ڕوبەڕویان ببینەو.
دەشڵێت:" داواش ئەکەم حکومەتی هەرێمی کوردستان و وەزارەتی پێشمەرگە گەر ئیلتیزاماتیان هەیە ئێمە ئەتوانین بەو ئەرکە هەستین و ڕووبەڕووی تیرۆریستان ببینەوە و جارێکی کە تەئکید ئەکەینەوە کە هێزەکانی حزبی سۆسیالیست ئامادەن بۆ هەر ڕووبەروو بوونەوەیەک بۆ بەرگری لە خاکی کوردستان".
محمەدی حاجی محمود، لەراگەیەندراوەكەیدا ئاماژە بۆ ئەوەشدەكات، دەخوازین هەرچی زوترە ئەو هێزانەی لە سەنگەری ڕووبەڕوو بونەوەدان پڕ چەک بکرێن و تەواوی پێداویستی و کۆمەک بکرێن و تاوەکو بە باشترین شێوە ڕووبەڕووی هێزی تیرۆریستی داعش ببێتەوە.