هەرێم نیوز
سەرۆکی هەرێمی کوردستان سەبارەت بە ئاڵنگارییەکانی ئەمدواییەی نێوان هەرێم و بەغدا رایگەیاند، خەڵک لە ناکۆکی و کێشەی سیاسی ماندووبووە، وتیشی، دەبێت ئەزموون لە کێشەکانی رابردوو وەربگیرێت.
سەرۆکی هەرێمی کوردستان لە پێنجەمین خولی دەرچووانی خوێندکارانی زانکۆی ئەمریکیی کوردستان - دهۆک وتارێکی پێشکەشکرد و رایگەیاند، "دەبێت ئەزموون لە کێشەکانی رابردوو وەربگیرێت."
وتیشی، مایەی نیگەرانییە ئەگەر هەندێک لایەن هەوڵ بدەن تەگەرە بخەنە بەردەم رێککەوتنەکان و هەوڵدان بۆ پێشێلکردنی مافە دەستوورییەکانی هەرێمی کوردستان هیچ قبووڵکراو نییە.
سەرۆکی هەرێمی کوردستان داوای لە هەموو لایەنەکان کرد پابەندی رێککەوتنەکان بن و وتی، "رێگەی راست و دروست پابەندبوونە بە لێکتێگەیشتن."
سەرۆکی هەرێمی کوردستان بە لایەنە سیاسییەکانی وت، "خەڵک لە ناکۆکی و کێشەی سیاسی ماندووبووە."