هەرێم نیوز
تا دێت بە هۆی هەڵبژاردنەكانی ئەنجومەنی پارێزگاكانی عێراق دابەشبونە ناوخۆییەكانی هاوپەیمانی چوارچێوەی هەماهەنگی زیاتر دەبێت، ئەو هاوپەیمانیەی کە ئێستا لایەنی سەرەکی پێکهێنەری حکومەتن و بەوە ناسراون نزیکن لە ئێران.
ئەگەرچی بڕیاربوو بەیەك لیست بەشداری هەڵبژاردن بكەن، بەڵام بەهۆی ناكۆكیەكان ئێستا بۆ چەندین لیستی هەڵبژاردن دابەش بوونە، دیاریترین لیستەکانی ناو هاومپەیمانیەتەکە ئەمانەن:
یەكەم: هاوپەیمانی "ئیعتیدال"
پێكدێت لە تەیاری حیکمەی عەمار حەكیم و هاوپەیمانی نەسری حەیدەر عەبادی، کە دوو سەرکردەی دیاری چوارچێوەی هەماهەنگین.
دووەم هاوپەیمانی نصحح
پێكهاتووە لە ئەنجومەنی باڵای ئیسلامی بە سەرۆكایەتی هومام حەمودی و حیزبی (ئقدار وطن) و چەندین پارێزگاری پێشوو و كەسایەتی سیاسی.
سێیەم: هاوپەیمانی چوارچێوەی هەماهەنگی
ڕەوتە توندەکانی هاوپەیمانیەتیەکە لەخۆدەگرێت کە هادی عامری و فالح فەیاز و قەیس خەزعەلی دەگرێتەوە.
چوارەم: هاوپەیمانی دەوڵەتی قانون
کە لەلاین نوری مالیكی و چەندین کەسایەتی و سیاسەتمەدار و ڕەوت پێکدێت.
پێنجەم: هاوپەیمانی رەوتی (فراتین)
لەلایەن محەمەد سەیهۆد ئامۆزای محەمەد شیاع سودانی سەرۆك وەزیران سەرپەرشتی دەكرێت.
شەشەم: هاوپەیمانی خزمەتگوزاری
لەلایەن ئەحمەد ئەسەدی سەركردە لە چوارچێوەی هەماهەنگی و وەزیری كاری ئێستا دامەزراوە.