هەرێم نیوز

ئەمڕۆ شەممە، 9ـی 9ی 2023، میدیای فەرمی مەغریب لە زاری وەزارەتی ناوخۆی ئەوە وڵاتە بڵاویکردەوە، بەهۆی ئەو بوومەلەرزەی بەرەبەیانیی ئەمڕۆ مەغریبی هەژاندووە، 820 کەس گیانیان لەدەستداوە و 672 کەسی دیکەش بریندارن.

وەزارەتی ناوخۆی مەغریب رایگەیاند، هێزی بومەرەلەرزەکەی مەراکیش 7.2 پلەی رێخەتر بوە و ئەو کەسانەی گیانیان لەدەستداوە خەڵکی ناوچەکانی حەوز و مەراکیش و ورزازات و ئەزیلا و شیشاوە و تارودانتن.

بەپێی زانیارییەکان، بەهۆی بومەلەرزکەوە ژمارەیەک خانو و باڵەخانە لە ناوچەی حەوزی مەغریب روخاون و خەڵکی شارەکانی دیکەش لە ترسی بومەلەرزەکە ماڵەکانیان چۆڵکردوە.

لای خۆیەوە پەیمانگای نیشتمانی جیوفیزیای مەغریب رایگەیاندووە، دوای بومەلەرزە سەدان پاشلەرزەی دیكە رویانداوە كە بەشێكی زۆریان بەهێزییەكەیان دەوروبەری 6 پلە بووە.