هەرێم نیوز
هەڤاڵ سدیق گەڵۆزی شارەزای کەشناسی رایدەگەیەنێت، لەسەرەتای هەفتەی دووەمی مانگی ئاب (٨)شەپۆلێکی تری گەرمای تاقەت پڕۆکێنەر بەڕێوەیە هاوشێوەی شەپۆلی گەرمای هەفتەی ڕابردووە ناوچەکانی ڕۆژئاوا و باشووری هەرێم پلەکانی گەرما دەگاتە نیوەی کوڵان بەرزترین پلەکانی گەرمای تێدا تۆماردەکرێت .
باس لەوەش دەکات، لەکۆتایی ئەم هەفته یە پلەکانی گەرما بەشێوەیەکی تەدریجی بەرزدەبێتەوە (٢°- ٣°)پلەسیلیزی لەسەرەتای هەفتەی داهاتوو بەدیاریکراوی لەڕۆژی شەممەوە ڕێکەوتی ( ٩/ ٨/ ٢٠٢٥) بەهۆی زاڵبوونی بەرزەپەستانێک لەبەشی سەرەوەی بەرگە هەوا وهاتنی بارستە هەوایەکی زۆر گە رم و شێدار لەناوچەکانی باکووری نیمچەدورگەی عەرەبی بۆ بەشێکی زۆرلەوڵاتانی ڕۆژهەڵاتی دەریای سپی ناوەڕاست میسر و شام و هەرێمی کوردستان و عێراق، تورکیاو قوبڕس .
روونی کردووەتەوە، شەپۆلێکی تری گەرمای بەهێز و تاقەت پڕوکێنەر تەواوی ناوچە جیاجیاکانی هەرێمی کوردستان و عێراق دەگرێتەوە پلەکانی گەرما لەناوچە جیاوازەکانی هەرێمی کوردستان ( ٨)پلەسیلیزی بەرزدەبنەوه لەناوچە دەشتاییەکانی هەولێر و موسل و کەرکوک و ناوچەکانی ئیدارەی سەربەخۆی گەرمیان پلەکانی گەرما لەهەندێ ڕۆژ پێشبینی دەکرێت بگاتە ( ٤٩° - ٥١° )پلەسیلزی چەقی گەرماکە (گوومەزی گەرما)ی پێدەگوترێت دەکەوێتەڕۆژانی
( ١٠ و ١١ و ١٢ و ١٣ و ١٤و ١٥)ی مانگ کەشێکی ئێجگارگەرم و پڕوکێنەر دروست دەبێت لەتەواوی ناوچه کانی هەرێم لەناوچەکانی بادینان و سەنتەری دهۆک و ئیدارەی سەربەخۆی زاخۆ و سۆران پلە کانی گەرما لەنێوان
( ٤٥° _ ٤٨°)پلەسیلیزی دەبێت لەهەندێ ڕۆژی شەپۆلی گەرماکە .لەناوچەکانی سەنتەری پارێزگای سلێمانی و پارێزگای هەڵەبجەو ئیدارەی سەربەخۆی ڕاپەڕین پلەکانی گەرمالەنێوان ( ٤٥°_٤٦°)پلەسیلیزی دەبێت .
دەشڵێت، لەناوچەکانی باشووری ناوەڕاستی عێراق پێشبینی دێته کردن پلەکانی گەرما ( ٥١°_٥٢ )پلەسیلێزی بێتەتۆمارکردن .
ئاماژە بەوەش دەکات، کاریگەری ئەم شەپۆلی گەرمایە بۆماوەی یەک هەفتەبەردەوام دەبێت هەتا ( ١٥/ ٨ / ٢٠٢٥)لەو ڕێکەوتە بەدواوە پلەکانی گەرما کەمێک دابەزین بەخۆیەوە دەبینێت ، بەهۆی بوونی شێ ڕێژەیی لەهەوادا بەرزی تیشکی سەرووی وەنەوشەیی لەکاتەکانی پێش نیوەڕو کاتژمێر(١١) بۆ کاتژمێری(٤)ی ئێوارە لەماڵ مەچنە دەرەوە گەرماکەی بەهێزدەبێت لەکاتی چونەدەرەوە چاوێلکە و چەتربەکاربهێنن بۆ خۆپاراستن تان لەکاریگەری ڕاستەوخۆی تیشکی سەروویی وەنەوشەیی،شلەمەنی زۆر بەکاربهێنن بەتایبەت ئاو ، دەبەی ئاوو چەرخی جگەرە بەهیچ جۆرێک لەناو تۆتۆمبێل بەجێ مەهێلن مەترسی لەسەرئۆتۆمبێلەکانتان دروست بکات .