هەرێم نیوز
چوار وەزیری حکومەتی محەمەد شیاع سودانی رەنگە رەوانەی زیندان بكرێن، دۆسییەكانیان لای دەستەی دەستپاکییەو لە چەند رۆژی داهاتوودا ناویان رادەگەیەنرێت.
نەبیل عەزاوی، لێكۆڵەری كاروباری سیاسی و نزیك لە سودانی، لە لێدوانێكی رۆژنامەوانیدا رایگەیاند: وەزارەتی دەرەوەی ئەمریکا سوپاسی حکومەتی سودانی کردووە بۆ ئاسانکارییەكانی لەبارەی دۆسیەی كچە روسییە رفێنراوەكە لە عێراق.
وتیشی:عێراق هێشتا لە بازنەی مەترسیداردایەو، دیپلۆماسیەتی بەرهەمهێنەری حکومەتیش بەشداربووە لە رێگیركردن لە هێرشی چاوەڕوانكراوەى ئیسرائیل بۆ سەر عێراق.
عەزاوی ئاماژەی بەوە شکردووە: پرنسیپی پاداشت و سزا لە ناو حکومەتی سودانیدا هەیەو، چوار وەزیر رەوانەی دەستەی دەستپاکی کراون و رەنگە روبەڕوی سزای زیندانی ببنەوە، لە چەند رۆژی داهاتووشدا ناویان رادەگەیەنرێت.