هەرێم نیوز
سایلۆی سلێمانی داوا لە بەشێک لەو جووتیارانە دەکات کە گەنمیان ڕادەست کردووە، سبەی سێشەممە سەردانیان بکەن بۆ وەرگرتنی چەکی شایستە داراییەکانیان. ڕاگەیێندراوەکە تەنیا ئەو جووتیارانە دەگرێتەوە کە بڕی گەنمەکەیان 50 تۆن یان کەمترە و ژمارەی پسوڵەکانیان لە نێوان 1 بۆ 113 دایە.
ئەمڕۆ دووشەممە، سایلۆی سلێمانی لە ڕاگەیەندراوێکدا داوای لە جووتیارانە کرد لە گەنمیان ڕادەستی سایلۆی سلێمانی کردووە و پشگیری بەشە کشتوکاڵیەکانیان لە پەنجا تۆن بەرەو خوارە سەردانی بەڕێوەبەرایەتیەکەیان بکەن بە مەبەستی وەرگرتنی چەکی شایستە داراییەکانیان.
داواشی لە جووتیاران کرد سبەینێ سێشەممە، بچن بۆ وەرگرتنی پارەکە و لە ڕاگەیەندراوەکەدا هاتووە؛ تکایە ئەو جووتیارانەی پشگیریەکانیان لەسەر و پەنجا تۆنەوەیە با سەردانیان نەکەن.
ئەمەش دوای ئەوە هات کە وەزارەتی بازرگانی عێراق 57 ملیار دیناری وەک شایستەی جووتیارانی هەرێمی كوردستان ڕەوانە كرد، كە 25 ملیار دینار بۆ جووتیارانی سلێمانی و هەڵەبجە، 20 ملیار دینار بۆ جووتیارانی هەولێر و 12 ملیار دیناریش بۆ جووتیارانی پارێزگای دهۆكە.