هەرێم نیوز
دۆناڵد ترەمپ، سەرۆکی ویلایەتە یەکگرتووەکانی ئەمریکا، لە نوێترین لێدوانیدا هێرشی توندی کردە سەر کۆماری ئیسلامیی ئێران و ڕایگەیاند کە دەبێت تاران خۆی بەدەستەوە بدات، چونکە ئابووری و هێزە سەربازییەکەی لەناوچوون.
ئەمڕۆ چوارشەممە، ٢٩ـی ٤ـی ٢٠٢٦، دۆناڵد ترەمپ ئاماژەی بەوە کرد کە فشارە کەم وێنەکانی ئەمریکا ئێرانی گەیاندووەتە دۆخێکی مەترسیدار و وتی: "ئێران پێویستە خۆی بەدەستەوە بدات، چونکە ئابوورییەکەی لە لێواری داڕمانێکی تەواوەتیدایە."
سەرۆکی ئەمریکا لە درێژەی قسەکانیدا تیشکی خستە سەر زیانە سەربازییەکانی تاران و ڕایگەیاند: "ئێران لە ڕووی سەربازییەوە شکستی هێناوە؛ کەشتییەکانیان لە بنکی دەریادان و هێزە ئاسمانییەکەیان بە تەواوەتی تێکشکێنراوە."