هەرێم نیوز
کەمال محەممەد، وەزیری کارەبا و سامانە سرووشتییەکان بە وەکالەت ڕایگەیاند، کاتژمێر ١٢ـی ئەمشەو دابەشکردنی گاز بۆ وێستگەکانی کارەبا دەست پێدەکاتەوە و دۆخی کارەبا بەرەو ئاساییبوونەوە دەچێت.
ئەمڕۆ دووشەممە، 27ـی 7ـی 2026، کەمال محەممەد، وەزیری کارەبا و سامانە سرووشتییەکان بە وەکالەت لە لێدوانێکدا ڕایگەیاند، کاتژمێر ١٢ـی ئەمشەو گاز بۆ وێستگەکانی بەررهەمهێنانی کارەبا دابین دەکرێت و سبەی سێشەممە دۆخەکە بە تەواوی دەگەڕێتەوە ئاستی پێشتری.
ئاماژەی بەوەش کرد کە دەستپێکردنەوەی کارەکانی کۆمپانیای (دانا گاز) کاریگەریی ڕاستەوخۆی لەسەر ئاساییبوونەوەی گازی ماڵان و چارەسەرکردنی گرفتی کەمیی بەنزین دەبێت.
لە بەشێکی دیکەی لێدوانەکەیدا، وەزیری کارەبا و سامانە سرووشتییەکان بە وەکالەت ئاشکرای کرد، بڕیاری داشکاندنی قەرزی کارەبای هاووڵاتییان لە ڕێککەوتی ١ـی ئابی ٢٠٢٦ـەوە دەچێتە واری جێبەجێکردنەوە.