هەرێم نیوز
ڕۆژی 13ی ئەم مانگە لەلایەن کۆمسیۆنی هەڵبژاردنەکانی عێراقەوە دیاریکرا بۆ تیروپشک و دیاریکردنی ژمارەی کاندید و لیست و هاوپەیمانییەتییەکان.
جومانە غەلای وتەبێژی کۆمسیۆنی باڵای هەڵبژاردنەکانی عێراق ڕایگەیاند: لە 13ی ئەیلولدا تیروپشک بۆ دیاریکردنی ژمارەی ئەو کاندید وحزب و لیست و هاوپەنییەتییانە دەکرێت، کە بەشداری لە هەڵبژاردنەکانی ئەنجومەنی پارێزگاکانی عێراقدا دەکەن، کە بڕیارە لە 18ی کانونی دوەمی ئەمساڵ بەڕێوەبچێت.
ئاماژەی بەوەشکردوە، کۆمسیۆن نمونەی فۆڕمەکانی دەنگدانی 15 پارێزگاکەی پەسەندکردوە و فۆڕمی هەر بەپێی ژمارەی کاندید و لیستەکان جیاواز دەبێت.