هەرێم نیوز
ئەفسانەی شەیتانە سوورەکانی نەرویج لە چالاکییەکەدا بە ناوی "شەوێک لەگەڵ ئۆلێ گونار سۆلشایەر" لەبەردەم ئەو جەماوەرە زۆرەی کە لە هۆتێل مانچستەر سیتی سەنتەر ئامادەبوون، قسەی سەرنجڕاکێشی کرد.
دوای جێهێشتنی مانچستەر یونایتد، ئۆلی گونار سۆلشایەر هێشتا یانەکەی خۆشدەوێت.
بەپێی هەواڵێکی ئەتلەتیک، سۆڵشایەر کە دوێنێ بەیانی سەردانی ماڵی کەینیان کرد بۆ خواردنەوەی چا لەگەڵ هاوڕێی پێشووی، بڕیارە ئەمڕۆ لە نزیکەوە سەیری یاریی یانە دڵخوازەکەی بکات لەگەڵ وۆڵڤەرهامپتۆن. شەوی ڕابردوو لە قسەکانیدا، ئێریک تێن هاگی بە ڕاهێنەرێکی "زۆر زیرەک" وەسف کرد.
ئەم ڕاهێنەرە نەرویجییە لەگەڵ هاندەرانی یانەکە دەیەوێت کۆتایی بە بوونی گلازەرز بهێنێت لە شانۆی خەونەکاندا.
دەبێت ئەمە ڕووبدات. ئۆڵدترافۆرد چاوپۆشی لێدەکرێت؛ هەروەها بۆ گۆڕەپانی مەشق و ڕاهێنانی تیپەکەش هەمان شتە.
لەم دیدارەدا کە زیاتر لە کاتژمێرێکی خایاند، سۆڵشایەر بە شێوەیەکی ناڕاستەوخۆ ڕایگەیاند کە سێر جیم ڕاتکلیف بە باشتر دەزانم لە شێخ جاسم بن حەمەد ئال سانی. هەروەها ڕاتکلیف خاوەنی یانەی نیسی فەرەنسییە، سۆڵشایەر باسی لە هەوڵەکانی یانەکەی کرد بۆ ئەوەی وەک ڕاهێنەر دەستنیشان بکات.
بێگومان دڵنیا نییە کە کۆنترۆڵی تەواوی یانەکە ڕادەستی ڕاتکلیف دەکرێت
دڵنیا نیم بتوانێت دەست بەسەر هەموو یانەکەدا بگرێت. پێم وایە تەنها 51%ی پشکەکانی دەوێت؛ حاڵەتێکی قورسە.
پاشان سۆڵشایەر باسی کاتەکانی لەسەر کورسی یەدەگی شەیتانە سوورەکان کرد.
زۆر شانازی و دڵخۆشم کە ڕاهێنەری یانەکەم. بەڵام ڕەنگە لە کاتێکی خراپتردا نەیتوانیبێت سەرۆکی ڕاهێنەری مانچستەر یونایتد بێت. بەداخەوە دەبێت بڵێم سیتی و لیڤەرپوول لەم ماوەیەدا باشترین ساڵانی خۆیان بەسەر برد.
کاتێک یاریزانی یانەکە بووم، هەرگیز وا نەبوو. ئارسناڵ هەبوەو تەواو . هەندێک جار دەبێت دان بەوەدا بنێیت کە ئەوان (سیتی و لیڤەرپوول) باش بوون. بەڵام ئێمە پلەی دووەم و سێیەممان بەدەستهێنا. هەروەها ڕیکۆردێکی بێ دۆڕانمان هەیە لە دەرەوەی یاریگای خۆمان لە پریمەرلیگ. بەڵام کێبڕکێکە تا دێت توندتر و توندتر دەبێت.
مانەوە لە لوتکەدا ڕۆژ بە ڕۆژ قورستر بووە. تیمەکانی تر پارەی زیاتریان دەستکەوتووە. هەموو یارییەکان سەختن.
یەکێک لە کەموکوڕیەکانی ڕیکۆردی سۆڵشایەر دۆڕانەکەی بوو لە یاریگای خۆیدا بەرامبەر لیڤەرپوول بە ئەنجامی 5-0. دوای 18 مانگ لەو ڕووداوە، سۆڵشایەر دەڵێت بەنیازی ئەوە بووە یونایتد بکاتە "باشترین تیپی دژە هێرشبەری جیهان"؛ ئەو شێوازەی کە بووە هۆی سەرکەوتنی چەندین جار بەرامبەر مان سیتی.
لە کۆتاییدا دەگەیتە ئەو ئاستەی کە بە خۆت دەڵێیت "باشە، با بزانین ئایا بەڕاستی دەتوانین تەحەدای ئەوان بکەین (لیڤەرپوڵ) ...
دەبێت هەوڵبدەین و هەنگاو بە هەنگا لەگەڵیاندا بچین". ڕەنگە ئەوە هەڵەی من بووبێت. بەڵام ئەگەر لە یاری ماڵەوە دواکەوتین، چیتر مانچستەر یونایتد نین. بۆیە وەک ئەوە بوو بڵێین "باشە هاوڕێیان، با بزانین چیمان پێدەکرێت.
" لەکۆتایی گێمی یەکەمدا دەستبەسەرداگرتنی تۆپەکە و ژمارەی هەلەکان 50-50 بوو، بەڵام چوار گۆڵیان تۆمارکرد و هیچمان تۆمارنەکرد.
بەشێکی دیکەی قسەکانی سۆڵشایەر لەسەر دەستی سەرکردەکانی مانچستەر یونایتد، تایبەت بوو بە ئامۆژگارییەکانی لەبارەی وەرگرتنی ئێرلینگ هالەند؛ کاتێک ئەم یاریزانە لە تەمەنی 17 ساڵیدا یاری بۆ مۆڵد دەکرد و خۆزێ مۆرینیۆ سەرۆکی ڕاهێنەر بوو و ئێد وودوارد بەڕێوەبەری جێبەجێکاری یانەکە بوو.
نزیکەی شەش مانگ پێش ئەوەی ئیدارەی یانەکە بگرمە دەست، پەیوەندیم بە یونایتدەوە کرد و گوتم هێرشبەرێکی لەو شێوەیەم لە تیپەکەمدا هەیە، بەڵام گوێیان نەدا. داوای 4 ملیۆن یۆرۆم کرد بۆ هالەند بەڵام گرێبەستیان لەگەڵدا نەکرد.
کاتێک یەکێک لە ئامادەبووان پرسیاری لە سۆڵشایەری تەمەن 50 ساڵ کرد کە ئایا دەتوانێت خۆی خاوەندارێتی یانەکە بکات،
لە وەڵامدا وتی کە توانای ئەو کارەم نییە.
لەبری ئەوە باسی لە خواستی خۆی کرد بۆ گەڕانەوە بۆ ڕاهێنەرایەتی، سەرەڕای ئەوەی ئاماژەی بەوەدا کە بەزەحمەت ڕووبەڕووی بەشێک لە تۆپی پێی مۆدێرن دەبێتەوە.
کچی باشترین هاوڕێم چەند هەفتەیەک لەمەوبەر پێی وتم: "تۆ قژێکی زۆرت هەیە بۆ پیاوێکی هاوتەمەنی خۆت". نازانم دەستخۆشی لێدەکردم یان هەوڵی دەدا دەستم لێبدات. لانی کەم هێشتا هەندێک قژم هەیە. بێگومان ڕەنگەکەی دەگۆڕێت بۆ خۆڵەمێشی و ئەمەش بەهۆی یاریزانەکانەوەیە؛
بەڕێوەبردنی یاریزانان شتێکی ترسناکە.
تەنانەت بەراوردکردنی ژووری جلگۆڕینی ڕابردوو و ئێستای مانچستەر یونایتد هەندێک هەست و سۆزی سۆڵشایەر دەوروژێنێت.
ژوورێکی جلگۆڕینی خەیاڵیمان هەبوو (کاتێک سۆڵشایەر یاری دەکرد).
براوەکان کە ڕقیان لە شکست بوو. هەروەها هەندێک ناکۆکی هەبوو؛ یەکێک لەو ململانێیانەی کە پێویستە دوای یارییە خراپەکان هەبێت. ناچار بووین یەکتر ڕابوەشنین و بیلەرزێنین. ئەگەر لەگەڵ یاریزانەکانی ئەمڕۆ وا بکەیت، دەچنە لای دایک و باوکیان یان بەڕێوەبەرەکەیان...
زۆر ئازاریان پێدەگات. زۆر یاریزانی ئەمڕۆ ناتوانن لەو ژوورە کۆنە جلگۆڕینەدا بژین.
بێگومان ناتوانیت لەگەڵ سۆڵشایەر باسی تۆپی پێ بکەیت و باسی داستانی ئەو و هاوڕێکانی لە 26ی ئایاری 1999 نەکەیت؛ گۆڵە هەستیارەکەی بەرامبەر بایرن میونشن لە کاتی زیادکراوی یاری کۆتایی چامپیۆنزلیگ.
هەرگیز سەیری فیلمی تەواوی یارییەکەم نەکرد. جارێک سەیری 15 خولەکی دوای چوونە ناو یاریگاکەم کرد.
بەڵام من یەک ملیۆن جار سەیری ئەو ئامانجەم کردووەتەوە.
یادگاری شیرین زۆر بوون؛ وەک ئەو چوار گۆڵەی کە سۆڵشایەر وەک یاریزانی یەدەگ بەرامبەر نۆتینگام فۆڕێست تۆماری کرد. لە ڕاستیدا ڕۆژێک پێش ئەو یارییە درکی بەوە کردبوو کە هیچ پێڵاوێکی وەرزشی نوێی نییە و لەبری ئەوەی بەڕێوەبەری لۆجستیکی تیپەکە ئاگادار بکاتەوە، چووە مۆڵی بازرگانی لە مانچستەر و جووتێک پێڵاوی وەرزشی کڕی؛هەمان ئەوانەی کە ڕۆژی دواتر ئاگریان لە فۆڕێست بەردا.
سۆڵشایەر هەروەها باسی لەوە کردووە کە لە ڕۆژانی یاریکردنیدا لە تەنیشت سێر ئەلێکس فێرگسۆن بووە.
ناخۆشبوو ،بیهێنە بەرچاوت لە یارییەکی دەرەوەی یاریگادا دۆڕاوین و ئەویش داوای لێکردم بیبەمەوە ماڵەوە.
دەبوو ئەم کارەم بکردایە. بەڵام لە ڕێگادا زۆر دەترسام شتێکی گەمژانە بڵێم..سۆڵشایەر باس لە ڕۆژە تاڵەکانی دەکات لە مانچستەر
وەک پیاوێکی گەورە لە ژیانمدا دوو جار گریام.
یەکەمیان دوای یارییەکە بوو. وە دووەمیان، ساڵ و نیوێک لەمەوبەر، کاتێک ناچار بووم جیا ببمەوە. مانچستەر یونایتد گۆڕانکارییەک لە تۆدا دروست دەکات.
ڕەنگە پێت وابێت خۆشترین یاری وەک ڕاهێنەر لە چامپیۆنزلیگ بەرامبەر پاریس سانجێرمان بێت بەهۆی گۆڵەکەی مارکوس ڕاشفۆرد لە لێدانی سزا. بەڵام ئەو پێی باشترە لە مانگی ئازاری 2020 بەرامبەر سیتی بە ئەنجامی 2 ـ 0 پێش کەرەنتینە بکرێت؛ کە سکۆت ماکتۆمینی لە کاتی زیادکراودا بە گۆڵێک کۆتایی بە تیپەکەی پیپ گواردیۆلا هێنا.
بەپێی لێدوانەکانی سۆڵشایەر: باشترین هەست بوو کە تا ئێستا هەمبووە.
بەڵام لەگەڵ گەڕانەوەی بۆ ئۆڵدترافۆرد بۆ یارییەکەی ئەمڕۆ، سۆڵشایەر بەنیازە لە چاوی خەڵک دوور بکەوێتەوە. ئەو کە لە نەرویج دەژی، ڕەنگە بەم زووانە نەگەڕێتەوە بۆ ئەم یاریگایە.
من ئەوەندە زیرەکم کە دووری خۆم بپارێزم. ڕاهێنەر بوون لە یانەی مانچستەر یونایتد بۆ خۆی قورسە بەبێ ئامۆژگاری ڕاهێنەرانی پێشووی هەمان تیپ.
دواتر باس لە داوای لێبوردنی فێرگسۆن لە سۆڵشایەر کرا.
ئەوە تاکە جارە سێر ئەلێکس داوای لێبوردنی لێکردووم. دوای ئەوەی ڕۆناڵدۆ لەسەر کورسی یەدەگ یارییەکی دەستپێکرد، لە گرتەیەکی ڤیدیۆییدا بینرا کە دەڵێت "هەمیشە دەبێت باشترین یاریزانەکان بخەیتە ناو یاریگا". ئەو (فێرگسۆن) تەلەفۆنی بۆ کردم و داوای لێبوردنی لێکردم، چونکە دەیزانی دۆخەکە چەندە سەختە.
لەبارەی ڕیچارد ئارنۆڵد (جێگرەوەی وودوارد)، سۆڵشایەر پەنجەی ئاراستەی کەسانی دیکە کرد.
مەسەلەکە ئەوەیە، سەرۆکەکانی دەبێت ئەوەی پێویست بێت بۆ یانەکە بیکەن.
پاشان جارێکی تر ستایشی مایکل کاریکی یاریدەدەرەکەی لە ئۆڵدترافۆرد کرد.
لە دڵەوە ئەمە دەڵێم: دڵنیام ڕۆژێک دەبێتە ڕاهێنەری مانچستەر یونایتد. مایکل کەسێکە خاوەن کارەکتەرە لە سەرەوە تا پێیەکانی.
شەرەف و دڵسۆزی و ڕێز و مەعریفە؛ ئەو هەموو شتێکی هەیە کە پێویستە هەتبێت. هیوادارم لە ژێر دەستی ئێریک (تێن هاگ)دا ئاستێکی باشمان هەبێت؛ بەڕاستی هیوادارم وابێت و کاتێک دەڕوات مایکل ئەزموونی ئەوەندەی دەبێت کە یانەکە بچێتە لای و بڵێت: مایکل، بگەڕێوە، چونکە پێویستمان بە تۆیە.
وە لە کۆتاییدا پێویستە چاوەڕوانی گەڕانەوەی سۆڵشایەر بکرێت.
دەتوانم لە کارێکی تردا کار بکەم؛ بێگومان ئەگەر دەرفەتەکە گونجاو بێت و بەس ورووژێنەر دەرکەوێت. یانە زۆرن، بەڵام من تەنها لەبەر سەرقاڵبوونم ناچمە هیچ شوێنێک. دەبێت شتێکی تایبەت بێت، کولتوورێک یان یانەیەکی نوێ کە بەڕاستی وروژێنەر بێت. یان ڕەنگە ئەوان (یونایتد) بیانەوێت من بگەڕێننەوە بۆ یانەکە لە ڕۆڵێکی تردا کاربکەم. کێ دەزانێت؟