هەرێم نیوز
سەرۆکوەزیرانی ئیسرائیل، رایدەگەیەنێت، کوشتنى حەسەن نەسروڵا رێگەی بەرەو ئێران کردەوە،و لە وەچەرخانێکى مێژوویداین و رۆژهەڵاتێکی ناوەڕاستی نوێ دێتە ئاراوە.
بنیامین نەتانیاهۆ، سەرۆکوەزیرانی ئیسرائیل لە چاوپێکەوتنێکیدا لەگەڵ کەناڵ14ـى ئیسرائیل رایگەیاند: "گرنگترین بڕیار کە لە جەنگی ئێستادا ئەنجامیانداوە، کوشتنى حەسەن نەسروڵا، ئەمینداری گشتیی حیزبوڵای لوبنان بووە، چونکە ئەوە رێگەی بەرەو ئێران کردەوە".
نەتانیاهوو راشیگەیاند، ئەوان لە وەرچەرخانێکی مێژووییدان و هەمووانیش خەریکە تێدەگەن.
سەرۆکوەزیرانی ئیسرائیل، پێشبینیی کرد پاش سەرکەوتن بەسەر ئێراندا، رۆژهەڵاتێکی ناوەڕاستی نوێ بێتە ئاراوە.
ئاماژەی بەوەشدا، دۆناڵد ترەمپ، ئەوە دەکات، کە لە بەرژەوەندیی ئەمریکادایە و ئەوان دەستوەردان لە کاروبارەکانی ناکەن.