هەرێم نیوز
خامنەیی: پێویستە ئەمریکییەکان بزانن کە هەر دەستێوەردانێکی سەربازی لەلایەن ئەوانەوە بێ گومان زیانی قەرەبوو نەکراوی لەگەڵدا دەبێت.
عەلی خامنەیی لە نوێترین دەرکەوتنیدا ڕایگەیاند: نەتەوەی ئێران لە بەرامبەر شەڕێکی سەپێنراودا بە توندی دەوەستێتەوە و ئەم میللەتە لە بەرامبەر خۆسەپێنیدا تەسلیمی کەس نابێت.
لەبارەی لێدوانە هەڕەشەئامێزەکانی سەرۆکی ئەمریکا، خامنەیی وتی: مرۆڤە زیرەکەکان کە ئێران و میللەت و مێژووی ئێران دەناسن هەرگیز بە زمانی هەڕەشە لەگەڵ ئەم نەتەوەیە قسە ناکەن چونکە نەتەوەی ئێران ناتوانرێت تەسلیم بکرێت و ئەمریکییەکان بزانن کە هەر دەستێوەردانێکی سەربازی ئەمریکا بێ گومان زیانی قەرەبوو نەکراوی لەگەڵدا دەبێت.
وتیشی، ئیسرائیل هەڵەیەکی گەورەی کرد و لەسەر ئەو کارانەی سزا دەدرێن، ئێران لە پێشێلکردنی ئاسمانی ئیسرائیل خۆش نابێت و خوێنی شەهیدەکانی لەبیر ناکات.
باسی لەوەش کرد، هێزە چەکدارەکانمان ئامادەن بۆ بەرگریکردن لە نیشتمان و لەلایەن دەسەڵات و هەموو خەڵکەوە پاڵپشتی دەکرێن.