هەرێم نیوز
وەزارەتی پێشمەرگە رایگەیاند، هاوکاری دارایی هاوپەیمانان بۆ مانگی 8 تەمویل کرا، دەشڵێت، رۆژی یەکشەممەی داهاتوو دابەش دەکرێت.
وەزارەتی پێشمەرگە لە راگەیەندراوێکدا بڵاویکردەوە، ئەمڕۆ 3ی 9ی 2025 هاوکاریی دارایی هاوپەیمانان بۆ مانگى(8) تەمویلی وەزارەتی پێشمەرگە کرا، لەلایەن بەریوەبەرایەتى گشتى بوودجە و بەرنامەکان (ژمێریارى سەربازى) دەستدەکرێت بە ئەنجامدا رێکارە دارایی و ژمێریارییەکان بۆ تەواوکردنی ئامادەکارییەکان.
ئاماژه‌ی به‌وه‌شكرد، بۆ ئەم مەبەستەش رۆژی یەکشەممە بەرواری (7)ی ئەیلول دەست بە دابەشکردنی دەکرێت.
باسی لەوەش کردووە، لەم مانگەدا، نزیکەی (95%) ئەفسەر و پلەدار و پێشمەرگە بە سیستەمی پڕۆژەی هەژماری من هاوکاری هاوپەیمانان وەردەگرن، ئەوانەی تریش لە رێگەی سیستەمی بانکیەوە هاوکارییەکان وەردەگرن.