هەرێم نیوز
ئەمڕۆ دووشەممە بنیامین ناتانیاهۆ، سەرۆکوەزیرانی ئیسرائیل ڕایگەیاند، لە ماوەی دوو ڕۆژی ڕابردوودا سوپای ئیسرائیل "50 تاوەری تیرۆریستی" لە غەززە لەناوبردووە و ئەوەش تەنها "پێشەکییەک" بووە بۆ ئۆپەراسیۆنە سەرەکییەکە، کە بریتییە لە گرتنەوەی شاری غەززە.
نەتانیاهۆ لە بەیاننامەیەکی ڤیدیۆیی لە ژووری ئۆپەراسیۆنەکانی هێزی ئاسمانی ئیسرائیل لە شاری غەززە وتی: "چەند ڕۆژێک لەمەوبەر بەڵێنم دابوو کە تاوەرەکانی تیرۆر لە غەززە لەناو دەبەین، ئێمە ڕێک ئەوەمان کردووە، لە دوو ڕۆژی ڕابردوودا 50 تاوەر کەوتوونەتە خوارەوە و هێزی ئاسمانی خستویانە خوارەوە، هەموو ئەمانە تەنها پێشەکییەکە بۆ ئۆپەراسیۆنێکی زەمینی چڕتر کە هێزەکانمان لە ئێستادا لە شاری غەززە ڕێکیدەخەن و کۆدەبنەوە".
سەرۆک وەزیرانی ئیسرائیل سەبارەت بە هێرشەکەی ئەمڕۆی قودس وتی: لەناوبردنی ئەو تیرۆریستانە بەس نییە کە ئەم هێرشەیان ئەنجامداوە، بەس نییە بەدوای لایەنگران و یاریدەدەرەکانیاندا بگەڕێن.