هەرێم نیوز
مستەفا کەواکبیان، ئەندامی پێشووی پەرلەمانی ئێران ڕایگەیاند، نامەیەکی پزیشکان دراوە بە شازادەی جێنشینی سعودیە و ئەویش لە بەرامبەردا نامەکەی گەیاندووەتە ترەمپ و نامەکەش بە مۆڵەتی خامنەیی نێردراوە.
ئەو ئەندامەی پێشووی پەرلەمان وتی: لە نامەکەیاندا بۆ ترەمپ، پزیشکیان ئامادەیی ئێرانی بۆ دانوستان لەگەڵ ئەمریکا ڕاگەیاند، بەبێ سەپاندنی مەرجی پێشوەختە.
دەشڵێت: شازادەی جێنشینی سعودیەش نامەکەی داوە بە ترەمپ، ئەویش کاردانەوەی هەبوو و باسی دانوستانی لە میدیاکاندا کردووە.
ئەمە لە کاتێکدایە بەرپرسانی ئێرانی پێشتر ئەم بابەتەیان رەتکردبووەوە و ئاماژەیان بەوە کردبوو کە ناوەڕۆکی نامەکەی پزیشکیان سوپاسگوزاری بووە لە محەممەد بن سەلمان لەبارەی پرسی حەج و حاجییانەوە.