هەرێم نیوز
وتەبێژی فەرماندەیی گشتیی هێزە چەکدارەکانی عێراق ڕایدەگەیەنێت، یەکەم کاروانی تـ.ـیرۆریستانی داعــ.ـش کە ژمارەیان ١٥٠ کەسە لە سووریاوە گواسترانەوە بۆ عێراق و ئەندامی بیانیشیان تێدایە.
ئەمڕۆ پێنجشەممە ٢٢ی ١ی ٢٠٢٦، سەباح نوعمان، وتەبێژی فەرماندەیی گشتیی هێزە چەکدارەکانی عێراق ئاشکرای کرد، دوای ڕەزامەندیی ئەنجومەنی وەزاری بۆ ئاسایشی نیشتمانی و بە هەماهەنگی لەگەڵ هاوپەیمانان، بڕیار درا ئەو تیرۆریستانە وەربگیرێنەوە کە لە زیندانەکانی ژێر دەسەڵاتی هەسەدەدان.
وردەکاریی پرۆسەکە بەگوێرەی وتەبێژەکە:
ژمارە: کاروانی یەکەم وەرگیراوە کە ١٥٠ تـ.ـیرۆریستن.
ڕەگەزنامە: هەڵگری ڕەگەزنامەی عێراقی و بیانیشیان تێدایە.
تاوان: دەستیان لە ڕشتنی خوێنی خەڵکی بێتاوانی عێراقدا هەبووە.
شوێن: گواستراونەتەوە بۆ دامەزراوە چاکسازییە حکوومییەکانی عێراق.
سەباح نوعمان ئاماژەی بەوەش داوە، ئەم هەنگاوە بۆ کۆنترۆڵکردنی مەترسیی بڵاوبوونەوەی ئەو کەسانەیە کە لە ئاستی "سەرکردە یەکەمینەکانن" و لە داهاتوودا بەگوێرەی دۆخی ئەمنی، ژمارەی گرووپەکانی تر دیاری دەکرێت.