هەرێم نیوز

دۆناڵد ترەمپ، سەرۆکی ئەمریکا، جارێکی دیکە هەڕەشەکانی بۆ لەناوبردنی ژێرخانی ئابووریی ئێران و گەڕاندنەوەی ئەم وڵاتە بۆ "سەردەمی بەردین" دووبارە کردەوە و بە شێوەیەکی ناڕاستەوخۆ داوای لە ئێران کرد گەرووی هورموز بکاتەوە.

ترەمپ لە پۆستێکدا لە تۆڕی کۆمەڵایەتیی تایبەت بە خۆی نووسیویەتی: "هێزە سەربازییەکەی ئێمە، کە گەورەترین و بەهێزترین هێزە (بە جیاوازییەکی زۆر!) لە هەر شوێنێکی جیهان، هێشتا دەستی بە تێکدانی ئەوە نەکردووە کە لە ئێران ماوەتەوە. پردەکان دواترن، پاشان وێستگەکانی کارەبا!"

ترەمپ بە ڕواڵەت ئاماژەی بە کردنەوەی گەرووی هورموز کردووە و نووسیویەتی: "سەرکردایەتیی ڕژێمە نوێیەکە دەزانێت چی بکات، و دەبێت بە خێرایی ئەنجام بدرێت!"