هەرێم نیوز

کەشتییەکی سەر بە کۆمپانیای "سی ئێم ئەی سی جی ئێم"ی فەڕەنسی توانی بە سەرکەوتوویی لە گەرووی هورمز تێپەڕێت و لە کەنداوی عەرەبی بچێتە دەرەوە.

ئەمە وەک یەکەم تێپەڕبوونی کەشتییەکی سەر بە ئەوروپای ڕۆژئاوا دادەنرێت دوای ئاڵۆزییە سەربازییەکانی ئەم دواییەی ناوچەکە.

ڕاپۆرتەکە ئاماژە بەوە دەکات کە ئەم گەشتە دوای هەماهەنگی لەگەڵ بەرپرسانی کۆماری ئیسلامی ئەنجام دراوە. ئەم هەنگاوە وەک ئاماژەیەک دەبینرێت بۆ ئەوەی تاران سیاسەتی "تێپەڕبوونی ئارام" تەنیا بۆ کەشتییە چینییەکان نەهێڵێتەوە و بۆ کەشتییەکانی تریش فراوانی بکات.