هەرێم نیوز
ستیڤ ویتکۆف، نێردەی تایبەتی ئەمریکا بە فەرمی ئەنجامدانی گفتوگۆی ناڕاستەوخۆی نێوان واشنتن و تارانی لە نیویۆرک ڕاگەیاند و پرۆسەکەی بە بونیادنەر وەسف کرد.
تەوەرەکانی گفتوگۆ ناڕاستەوخۆکان
ستیڤ ویتکۆف لە پەیامێکدا لە هەژماری تایبەتی خۆی لە تۆڕی کۆمەڵایەتیی "ئێکس" ئاشکرای کرد، واشنتن و تاران لە ڕێگەی نێوەندگیرەکانەوە لە شاری نیویۆرک گفتوگۆی ناڕاستەوخۆیان ئەنجام داوە.
ئاماژەی بەوەش داوە کە دانوستانەکانیان بونیادنەر بوون و ئامانجی سەرەکی لەم دیپلۆماسییە کەمکردنەوەی ئاڵۆزییەکان و کۆتاییهێنانە بە جەنگی حەوت مانگە.
داواکارییەکانی لایەنی ئێرانی
نێردەی تایبەتی ئەمریکا ڕوونیشی کردەوە، لە میانی دانوستانەکاندا لایەنی ئێرانی داوای هەڵگرتنی گەمارۆی دەریایی و ئازادکردنی داراییە بلۆککراوەکانی لە لایەن واشنتنەوە کردووە.