هەرێم نیوز
42 ملیۆن و 10 هەزار کارتی نیشتمانی لە عێراق دەرهێندراون و سەرەتای ساڵی نوێش کارتی زانیاری دەبێتە ئەلیکترۆنی و بە کارتی نیشمانییەوە دەبەسترێتەوە.
عەمید میقداد میری، وتەبێژی وەزارەتی ناوخۆی عێراق رایگەیاند: تا ئێستا 42 ملیۆن و 10 هەزار کارتی نیشتمانی دەرهێندراون. 93٪ی عێراقییەکان لە کارتی نیشتمانی تۆمارکراون.
وتیشی: 38 فەرمانگەیان لە نێوخۆی عێراق و 7 ناوەندیان لە دەرەوەی وڵات هەیە، چەندین ناوەندی دیکە لە دەرەوەی وڵات دەکەینەوە.
ئاماژەی بەوەشکرد: لە سەرەتای ساڵی 2025ەوە کارتی زانیاری دەبێتە ئەلیکترۆنی و بە کارتی نیشتمانییەوە دەبەسترێتەوە .
ئەو کارتە دەبێتە جێگرەوەی بەڵگەنامەکانی (رەگەزنامە و ناسنامەی باری شارستانی )، 20 نهێنی كەسی هەر تاکێک لەخۆدەگرێت و ساختەكردنی ئەستەمە.