هەرێم نیوز
سەرۆکی ئەمریکا و شازادەی جێنشینی سعودیە رێککەوتنی ستراتیژی هاوبەشی ئابووری نێوان هەردوو وڵاتیان بە بەهای 600 ملیار دۆلار ئیمزا کرد.
ئەمڕۆ سێشەممە، 13ی 5ی 2025 ل، دۆناڵد ترەمپ، سەرۆکی ئەمریکا گەیشتە ڕیاز و سەردانێکی "مێژوویی" دەستپێکرد کە ئیمارات و قەتەریش دەگرێتەوە. لە فڕۆکەخانەی نێودەوڵەتی شا خالید لەلایەن شازادە محەمەد بن سەلمان، شازادەی جێنشین و سەرۆکوەزیرانی سعودیە پێشوازی لێکرا.
دۆناڵد ترەمپ سەرۆکی ئەمریکا و محەمەد بن سەلمان شازادەی جێنشینی سعودیە، رێککەوتنێکی ستراتیژی نێوانیان ئیمزاکرد کە چەند بوارێک گرنگی نێوان هەردوو وڵات لە خۆدەگرێت.
رێککەوتنەکەی نێوان ئەمریکا و سعودیە لە بوارەکانی تەندروستی و زانستی و ژینگەییە.
هاوکات کۆشکی سپی رایگەیاند، بەهای رێککەوتنەکە نزیکەی 600 ملیار دۆلارە و 142 ملیاری لە بواری سەربازیدایە.
لە دوای ئیمزاکردنی رێککەوتنەکەوە دۆناڵد ترەمپ سەرۆکی ئەمریکا رایگەیاند، من و شازدە محەمەد بن سەلمان دۆستایەتییەکی زۆرمان لەگەڵ یەکتر هەیە.