هەرێم نیوز
بەرەبەیانی سبەی دووشەممە یەکەم کاروانی هاووڵاتییان لە هەرێمی کوردستان بەڕێگەیی ئاسمانی بەرەو سعوودیە بەڕێ دەکەون.

 نیاز نەقشبەندی، بەڕێوەبەری گشتیی حەج و عومرەی هەرێمی کوردستان ڕاگەیاند: بەرەبەیانی سبەی دووشەممە، 19ـی ئایار یەکەم کاروانی هاووڵاتییانی هەرێمی کوردستان بە ڕێگەیی ئاسمانی، لەڕێگەی هەردوو فڕۆکەخانەی نێودەوڵەتیی هەولێر و سلێمانی بەرەو سعوودیە بەڕێ دەکەون.

نیاز نەقشبەندی گوتی: گەشتی یەکەم لە فڕۆکەخانەی نێودەوڵەتیی هەولێر کاتژمێر 3:00ـی بەرەبەیان بەڕێ دەکەوێت، یەکەم گەشتیش لە فڕۆکەخانەی نێودەوڵەتیی سلێمانییەوە کاتژمێر 1:00پاش نیوەڕۆ دەبێت.

بەڕێوبەری گشتیی حەج و عومرەی هەرێمی کوردستان ئاماژەی بەوەکرد، کۆی گشتیی ئەو هاووڵاتییانەی سبەی دووشەممە لەڕێگەیی هەردوو فڕۆکەخانەی نێودەوڵەتیی هەولێر و سلێمانی گەشتی سعوودیە دەکەن ژمارەیان 876 هاووڵاتییە، کە چوار گەشت لە خۆدەگرێت و ڕاستەوخۆ دەچنە فڕۆکەخانەی جددە و دواتر بۆ شاری مەدینە. 
بەگوێرەی ئەو خشتەی هەیە گەشتەکان بەمشێوەیەن بۆ سبەی دووشەممە.

لە فڕۆکەخانەی نێودەوڵەتیی هەولێر: 3:00ـی بەرەبەیان، 7:00ـی ئێوارە، 9:30ـی شەو.
لە فڕۆکەخانەی نێودەوڵەتیی سلێمانی: 1:00ـی دوای نیوەڕۆ، یەکەم کاروان و یەک گەشتی دەبێت بۆ سعوودیە.