هەرێم نیوز

وابریارە ئێران و سێ وڵاتی ئەوروپی (بەریتانیا، ئاڵمانیا و فەرەنسا) کە بە" ئی 3" ناسراون، سبەینێ (سێشەممە ٢٦ی ئابی ٢٠٢٥) لە ژنێڤ کۆببنەوە بۆ گفتوگۆکانی نێوانیان تایبەت بە دانوستانە ناوەکییەکان لەسەر ئاستى جێگرانی وەزیرانى دەرەوەى ئەم وڵاتانە بەڕێوەدەبرێت.ئەم کۆبوونەوەیە لە ئاستی جێگری وەزیرانی دەرەوە بەڕێوە دەچێت و هەیەتی ئێرانی لەلایەن جێگری وەزیری دەرەوە مەجید تەختە ڕەوانچی بەڕێوە دەبرێت .

ئامانجی سەرەکی ئەم دانیشتنە:

 
بە گوێرەى سەرچاوە میدیاییەکانى گفتوگۆ چوار قۆڵییەکانى سبەینێ لەسەر پرسەکانی ناوکیی و ئەو سزایانەی کە بە شێوەی نایاسایی لەسەر ئێران سەپێنراون لە لایەن ئەمریکاوە بەڕێوە دەچێت.

کۆبوونەوەى سێ وڵاتی ئەوروپی لەگەڵ ئێران کاتەکەى بەرەو کۆتایی دەڕوات کە کۆتاییەکانى مانگی ئاب دانراوە، بۆ دووبارە دەستپێکردنەوەی گفتوگۆکانی ناوەکی، بە ئاگاداریکردنەوە لەوەی ئەگەر سەرکەوتوو نەبن، ڕەنگە هۆکاری گەڕانەوەی هەموو سزاکانی نەتەوە یەکگرتووەکان بن لە ڕێگەی میکانیزمی "snapback"ەوە ، دەستپێبکاتەوە.

ئەم کۆبوونەوەیە لە کاتێکدا ڕوودەدات کە تەنگژەکان لە ناوچەکەدا زیادە، بەتایبەتی لەگەڵ ئیسرائیل، و پێش کاتێکی کۆتایی نزیک کە ڕەنگە هۆکاری جێبەجێکردنی سزاکانی snapback بێت لە چوارچێوەی ڕێککەوتنی ناوەکی ٢٠١٥ەوە.

هۆکارەکانی سەرنەکەوتن (زیاترن):

 
١. کەمبوونەوەی کاتی دیایکراو: ئەوروپییەکان کۆتایی مانگی ئابیان دیاری کردووە بۆ گەیشتن بە ڕێککەوتن، بە هەڕەشەی جێبەجێکردنی میکانیزمی "snapback" ئەگەر گفتوگۆکان سەرکەوتوو نەبن .

٢. جەنگی ئیسرائیل-ئێران: هێرشکردنە سەر پێگە ناوەکییەکانی ئێران لەلایەن ئیسرائیل و ئەمریکاوە، بووەتە کێشەیەکی گەورە کە ئێران بەو ئاسانییە نەتوانێت کارگەکانى وەبەرهێنان و پیتاندنى یۆرانیۆم بخاتەوە سەرپێ.

٣. دۆخی ناوخۆیی ئێران: ئایەتوڵڵا خامنەیی بە ڕاشکاوی گوتی ئێران ملنادات بە داخوازییەکانى ئەمریکا و ئەوەى خۆی بە رەواى بزانێت دەیکات و ئەوەشى خۆی بەڕەواى نەزانێت لێی دوور دەکەوێتەوە. ئەوە جگە لەو بارە ناهەمووارە ئابوورییەى کە سەرانسەرى ئەو وڵاتەى گرتووەتەوە.

٤. ئاستی بەرزی پیتاندنی یۆرانیۆم: بەگوێرەى راپۆرتەکانى ئاژانسی وزەى ئەتۆم یورانیومی ئێران گەیشتووەتە ٦٠٪ بەپێی IAEA، کە بەرزترە لە سنوورەکانی ڕێککەوتنی ٢٠١٥ و تەنها قۆناغێکی کورتی تەکنیکی لە ئاستی چەکی ناوەکی (٩٠٪) جیا دەکاتە.

٥. شکستە پێشووەکان: ئێران پێشنیارە پێشووەکانى ئەوروپای بە "نابەجێ" ناو بردووە و ڕەتیکردووەتەوە کە لەسەر بەرنامەی موشەکی و دفاعی گفتوگۆ بکات.

هۆکارەکانی سەرکەوتن (کەمترن):

 
١. ئارەزووی دووپاتکردنەوەی دیپلۆماسی: وەزیری دەرەوەی ئێران (عێراقچی) پێشتر هاوکاری لەگەڵ IAEA کۆتایی پێهێناوە و بڕیاریانداوە هاوکارییان نەکات. 

٢. ترسی ئابووری: خۆپاراستن لە گەڕانەوەی سزاکانی "snapback" کە کاریگەری زیانی ئابووری دەبێت.

٣. فشاری ناوچەیی: ئەگەری ناسەقامکردنی بازاڕی وزە و زیادبوونی تەنگژەکانی ناوچەیی.

ئەنجامی چاوەڕوانکراو:

 
بەپێی بارودۆخی ئێستا، ڕەنگە میانەڕەوەکانى ئێران بیانەوێت گفتوگۆکان دووبارە دەستپێبکەنەوە بۆ ڕێگریکردن لە snapback یان هێرشێکی دیکەی ئەمریکا/ئیسرائیل، بەڵام توندڕەوەکان لە تاران ڕەنگە بڕیار بدەن بەردەوام بن لەپیتاندنى یۆرانیۆم و هەنگاونان بەرەو بەدەستهێننانى چەکی ئەتۆم و بەوەش زیاتر ئەمریکا و هاوپەیمانەکانى توڕەو دۆستە ئەروپییەکانیش دڵتەنگ و بێئومێد دەکات.

بەشێوەیەکی گشتی، ئەگەرەکانی سەرنەکەوتن لە ئێستادا زیاترە، بەتایبەتی بەهۆی کاتی کۆتایی نزیک و ناکۆکییە بنەڕەتییەکان لەسەر بابەتە سەرەکییەکە کە ئەویش دەست نەگەشتنى ئێران بە چەکی ئەتۆم، تا نەبێتە هەڕەشە بۆ سەر کۆمەڵگەى نێودەوڵەتی.