هەرێم نیوز
وەزارەتی دارایی و ئابوری هەرێم ڕایدەگەیەنێت، ڕۆژی یەکشەممە موچەی مانگی ٨ی مامۆستایانی گرێبەستی وەزارەتی پەروەردە و خوێندنی باڵاو توێژینەوەی زانستی دابەشدەکرێت، هاوكات دوو موچەی ئەو فەرمانبەرانە بەشێوەی گرێبەست و هەمیشەیی دامەزراون دابەشدەكرێت
دەقی راگەیاندراوەکە:
مووچەی مامۆستایانی گرێبەست و بەشێک لەفەرمانبەرانی هەمیشەیی و گرێبەست دابەش دەکرێت.
ڕۆژی یەک شەممە ( ٢ ی تشرینی دووەمی ٢٠٢٥ ) مووچەی مانگی ئابی مامۆستایانی گرێبەستی وەزارەتی پەروەردەو خوێندنی باڵاو توێژینەوەی زانستی دابەش دەکرێت.
هاوکات هەمان ڕۆژ مووچەی مانگی ئاب و مووچەی مانگی شوباتی
ساڵی ( ٢٠٢٥ ) ی سەرجەم ئەو فەرمانبەرانە دابەش دەکرێت کەلەدوای ( ٢٠٢٤/٧/١ ) بەشێوەی گرێبەست و هەمیشەیی لەسەر میلاکی دامەزراوەکانی حکومەتی هەرێم دامەزراون کەشایستەکانیان لەسەر داهاتی ناوخۆی هەرێمی کوردستان خەرج دەکرێت.
ڕاگەیاندنی وەزارەتی دارایی و ئابووری ٢٠٢٥/١٠/٢٩