هەرێم نیوز
كابینەی نۆی حكوومەتی هەرێمی كوردستان لە ماوەی كاری خۆیدا، 2168 پڕۆژەی شەقام و پردی ناو شارەكان و 718 پڕۆژەی ڕێگەوبانی نێوان شارەكانی جێبەجێ كردووە، 401 پڕۆژەی ڕێگەوبانیش لە جێبەجێكردندان.
ئەمڕۆ سێشەممە، فەرمانگەی میدیا و زانیاریی حكوومەتی هەرێمی كوردستان، پڕۆژەكانی كابینەی نۆی حكوومەتی هەرێمی كوردستان لە بواری شەقام و پردی ناو شارەكان و ڕێگەوبانی بڵاو كردەوە.
بە پێی ئەو زانیارییانە، لەم ماوەیەدا 2886 پڕۆژەی شەقام و ڕێگەوبان بە گوژمەی زیاتر لە سێ ترلیۆن دینار جێبەجێ كراون، 401 پڕۆژەی تریش بە گوژمەی سێ ترلیۆن دینار لە جێبەجێكردندان.
جیا لەمانەش زیاتر لە شەش هەزار پڕۆژەی شارەوانی و ئاو و ئاوەڕۆ بە گوژمەی زیاتر لە سێ ترلیۆن دینار جێبەجێ کراون.