هەرێم نیوز
بەڕێوەبەرایەتی ئاسایشی پارێزگای سلێمانی رایگەیاند، باندێکی کۆچبەری نایاسایی دەستگیران لەگەڵ 23 کەسی بیانی.
ئاسایش دەڵێت: رۆژی ٢٠٢٥/١٠/٢٧ بەڕێوەبەرایەتی ئاسایشی پارێزگای سلێمانی، دوای کۆکردنەوەی زانیاری و بەدواداچوون، بەبڕیاری دادوەری لێکۆڵینەوەی ئاسایش توانیان ٢ قاچاخچی هێنانی کۆچبەری نایاسایی دەستگیربکەن و ٢٣ کەسی بیانی کەبەشێوەی قاچاخ هێندرابوونە هەرێمی کوردستان و بە نیازبوون بۆ پارێزگاکانی ناوەڕاست و باشووری عێراق ببرێن.
دەشڵێت لە ئێستادا تۆمەتباران بە ماددەی (٣٨)لەیاسای مانەوە ڕاگیراون و لێکۆڵینەوە لەدۆسیەکانیان بەردەوامە، سەرجەم کۆچبەرە نایاساییەکان سنوورداش کرانەوە.